14:50 / 28-02-2024
Lavrov Türkiyəyə gedir
Daha bir təhlükə: ÜST-ün Azərbaycandakı nümayəndəliyi əhaliyə çağırış edib
Tarix: 30-11-2023 14:46 | Bölmə: Cəmiyyət
Daha bir təhlükə: ÜST-ün Azərbaycandakı nümayəndəliyi əhaliyə çağırış edib

Ümumdünya Səhiyyət Təşkilatının (ÜST) Azərbaycandakı nümayəndəliyi əhalini qızılcaya qarşı peyvənd olunmağa çağırıb.

Reyting.az
-ın xəbərinə görə, nümayəndəliyin "X" hesabındakı paylaşımda qeyd olunur ki, 2021-ci illə müqayisədə ötən il qlobal miqyasda qızılcaya yoluxma halları 18 faiz, ölüm halları isə 43 faiz artıb.

"Qızılca xəstəliyi uşaqların sağlamlığı üçün ciddi təhlükə olaraq qalmaqda davam edir. Qızılcaya qarşı peyvəndləmə əhatəsi 95 faizdən aşağı olduğu zaman bütün ölkələr və icmalar üçün xəstəliyin geniş yayılma riski yaranır. Qızılca 5 yaşdan kiçik uşaqlar üçün daha təhlükəlidir. Bu xəstəlik onlarda pnevmoniya, ensefalit (beyin iltihabı) və ölümlə nəticələnə bilər".

ÜST-ün Azərbaycandakı nümayəndəliyindən bildirilib ki, qızılcaya qarşı peyvənd ən effektiv peyvəndlərdən biridir. İki doza peyvənd qızılca infeksiyasının qarşısını ömürlük almaqda 97 faiz effektivdir.

Qeyd olunub ki, 2000-ci ildən 2022-ci ilə qədər qızılcaya qarşı peyvənd qlobal miqyasda 57 milyon insanın qızılcadan ölməsinin qarşısını alıb.




Bölməyə aid digər xəbərlər
{sape_links}{sape_article}