12:37 / 21-06-2024
Sabah yağış yağacaq
Bakıda sürücünün pulunu zorla alan şəxs saxlanılıb
Tarix: 14-03-2024 10:47 | Bölmə: Cəmiyyət
Bakıda sürücünün pulunu zorla alan şəxs saxlanılıb

Bakının Xəzər rayonunun Binə qəsəbəsində quldurluq hadisəsi baş verib.

Reyting.az
xəbər verir ki, bu barədə Daxili İşlər Nazirliyinin (DİN) mətbuat xidməti məlumat yayıb.

Bildirilib ki, gecə saatlarında naməlum şəxs yol ilə hərəkət edən yük avtomobilinin qarşısını kəsərək sürücüyə kəsici alətlə xəsarət yetirib və üzərində olan pul vəsaitini ələ keçirib.

Xəzər Rayon Polis Şöbəsinin əməkdaşlarının həyata keçirdikləri tədbirlərlə hadisəni törətməkdə təqsirli bilinən, əvvəllər oğurluq, eləcə də narkotik vasitələrin qanunsuz dövriyyəsi ilə əlaqədar cinayətlərə görə məhkum olunmuş Məmmədov Tariel saxlanılıb.

Araşdırmalar zamanı məlum olub ki, saxlanılan şəxs quldurluq hadisəsini törətməmişdən öncə qəsəbə ərazisində bir neçə avtomobilin yan şüşələrini sındıraraq nəqliyyat vasitələrinin salonlarından bank kartları, pul vəsaiti, maqnitofon və digər əşyalar oğurlayıb.

Faktlarla bağlı istintaq-əməliyyat tədbirləri davam etdirilir.




Bölməyə aid digər xəbərlər
Bu gün, 12:37 Sabah yağış yağacaq

{sape_links}{sape_article}