12:37 / 21-06-2024
Sabah yağış yağacaq
Astaranın dağ kəndi sürüşür - Fotolar
Tarix: 16-03-2024 14:54 | Bölmə: Cəmiyyət
Astaranın dağ kəndi sürüşür

Astara rayonunun dağ kəndində baş verən torpaq sürüşməsi 15-ə yaxın ev üçün təhlükə yaradıb. Artıq bir neçə ailə qohum evinə sığınmaq məcburiyyətində qalıb.

Reyting.az
APA-ya istinadla bildirir ki, rayonun Sipiyəpart kəndinin Hörün məhəlləsində payız və qış mövsümündə düşən intensiv yağıntılardan sonra ərazidə torpaq qatının sürüşməsi baş verib. Məhəllənin 10-a yaxın fərqli nöqtəsindəki sürüşmə 15-ə yaxın fərdi yaşayış evləri üçün təhlükə yaradıb.

Sakinlərin qorxduğu odur ki, bu ərazidə 2-3 bal gücündə yeraltı təkanlar olsa, evlər tamamilə dağıla bilər. Onların sözlərinə görə, vəziyyət o həddə çatıb ki, kənddə yaşamağa heç bir şərait yoxdur.

“Yağış yağanda qohumların evində qalmağa məcburuq. Çünki, evlərimiz təhlükəli vəziyyətdədir. Hazırda kənddə yaşamaq səbəbi budur ki, bura bizim dədə-babamızın yurdudur”.

Torpaq sürüşməsi sitrus bağlarına da ziyan vurub. Artıq kənddə bu sahə ilə də məşğul olan az ailə qalıb.

“Əkin əkə bilmirik. Ağac əkirik, ağac gedir. Ev düzəltmişik, ev də uçurumdadır. 5-6 il qabaq 500-ə yaxın mandarin ağacları məhv oldu. İndi də 150 ağac əkilib, onları da torpaq qatı aparır”.

Kənddə yaranan mövcud durumla bağlı yerli ərazi icra nümayəndəliyindən bildiriblər ki, Fövqəladə Hallar Nazirliyi (FHN) və Ekologiya və Təbii Sərvətlər Nazirliyinə məlumat verilib. Adıçəkilən qurumlar əraziyə baxış keçirdikdən sonra buradakı yaşayış evləri ilə bağlı da qərar veriləcək.







Bölməyə aid digər xəbərlər
Bu gün, 12:37 Sabah yağış yağacaq

{sape_links}{sape_article}