Rusiyada diaspora qurumlarına qadağa tətbiq oluna bilər
Tarix: 21-05-2024 16:12 | Bölmə: Cəmiyyət
Rusiyada diaspora qurumlarına qadağa tətbiq oluna bilər

Rusiya Federasiyası Dövlət Dumasının Kommunist Partiyasından olan deputatı Mixail Matveyev diasporların “xarici agentlər”lə eyniləşdirilməsini və milli-etnik birliklərin xaricdən maliyyələşdirilməsinə qadağa qoyulmasını təklif edib.

Reyting.az
xəbər verir ki, bu normalar onun hazırladığı “Milli-mədəni muxtariyyətlər haqqında” qanunun yeni redaksiyasına daxil edilib.

“Rusiyadan kənarda öz dövlətləri olan etnik icmaların diasporlarını “xarici agentlər”lə eyniləşdirməyi təklif edirəm”,- deyə deputat təklif irəli sürüb.

M. Matveyev hesab edir ki, Rusiyada öz dövlətləri olan millətlərin sayı artır və onlar milli-mədəni muxtariyyətlərdən “Miqrant strukturlarının qeydiyyatının hüquqi forması” kimi istifadə etməyə başlayıblar. Onun iddiasına görə, bu proses uzunmüddətli perspektivdə Rusiya üçün dağıdıcı xarakter daşıyır.

Qeyd edək ki, Matveyevin təşəbbüsü artıq həmkarları tərəfindən tənqid olunub.

Xatırladaq ki, Moskvadakı terror aktından sonra Rusiyada Mərkəzi Asiyadan olan miqrantlara, ilk növbədə taciklərə qarşı təzyiqləri artırıb. İşçi miqrantlara qarşı kütləvi reydlər həyata keçirilib, təhlükəsizlik qüvvələri insanları yataqxanalardan, iş yerlərindən, hətta məscidlərdən də aparıblar. Lazımi sənədləri olmayan əcnəbilər Rusiyadan kütləvi şəkildə deportasiya edilib, gələnlər isə ölkəyə buraxılmayıb. Bir çox regionun hakimiyyət orqanları miqrantların sərnişindaşıma, taksi və digər sənaye sahələrində işləmək hüququnu məhdudlaşdırıb. İddia olunur ki, bu cür tədbirlər “yerli əhalinin həyat və sağlamlığının təhlükəsizliyini təmin etmək üçün” həyata keçirilib.

E. KAMAL




Bölməyə aid digər xəbərlər
12-06-2024, 12:49 Sabah yağış yağacaq
11-06-2024, 13:09 Sabah yağış yağacaq

{sape_links}{sape_article}