17:38 / 28-03-2024
Əməkdar artist vəfat edib
“Azəriqaz”ın baş direktoru smart tipli sayğaclardan imtina qərarı verdi - Səbəb
Tarix: 15-11-2019 12:02 | Bölmə: Cəmiyyət
“Azəriqaz”ın baş direktoru smart tipli sayğaclardan imtina qərarı verdi

“Azəriqaz” İstehsalat Birliyinin yeni baş direktoru Ruslan Əliyev “İTRON” şirkətinə məxsus yeni nəsil smart tipli sayğaclardan imtina barədə qərar verib.

Reyting.az
xəbər verir ki, bu qərar vətəndaşlardan daxil olan müraciətlər arasında balans artırmada problemlərin yaranması, kartların tez-tez bloka düşməsinə dair şikayətlərin çoxluğu səbəbindən verilib.

Qeyd edək ki, araşdırma zamanı məlum olub ki, 2018-ci ildə sifariş verilən “İTRON” şirkətinə məxsus yeni nəsil sayğaclarda həm də bir sıra problemlər meydana çıxıb. Buna görə də bir müddət əvvəl start verilən kütləvi sayğac dəyişdirilməsi dayandırılıb. Bundan sonra əvvəllər istifadə edilən, vətəndaşların fasiləsiz qaz təminatında problemə səbəb olmayan mexaniki sayğaclardan istifadə olunması barədə qərar verilib.

Mexaniki sayğacların xüsusiyyətinə görə, hər hansı texniki səbəbdən abonentlərin qaz təminatı dayandırılıb yenidən bərpa edildikdə, kartın bloka düşməsi kimi problem yaranmır.

Reyting.az Modern.az-a istinadla bildirir ki, məsələ ilə bağlı “Azəriqaz” İB-nin İctimaiyyətlə əlaqələr şöbəsinin rəisi Ceyhun Səfərov faktı təsdiqləyib.

C. Səfərov bildirib ki, şirkətin maliyyə vəziyyəti nəzərə alınaraq, smart tipli sayğacların alışının azaldılması barədə qərar verilib:

“Mexaniki sayğaclarda abonent sərfiyyata görə ödəniş edir. Hər ay abonentə qaz sərfiyyatı barədə bildiriş verilir və o, ödənişini edir. Hesab edirik ki, bundan sonra quraşdırılacaq mexaniki sayğaclarda hər hansı narazılıq yaranmayacaq. Bu zaman həm də vətəndaş balansına pul yükləyə bilmədiyinə görə qazsız qalmayacaq”.

C. Səfərov həmçinin qeyd edib ki, bundan sonra “İTRON” şirkətinin təklifləri də nəzərdən keçiriləcək:

“Ola bilər ki, sonrakı mərhələlərdə şirkət daha sərfəli və yeni nəsil sayğaclar təklif etsin. Təbii ki, şirkət olaraq biz bu təklifləri dəyərləndirəcəyik”.

Reyting.az




Bölməyə aid digər xəbərlər
{sape_links}{sape_article}