"Azəriqaz" İstehsalat Birliyində kadr dəyişiklikləri həyata keçirilib.

Bu barədə Neftçilərin Hüquqlarını Müdafiə Komitəsinin sədri Mirvari Qəhrəmanlı məlumat verib.

M.Qəhrəmanlı bildirib ki, mətbuatda "Azəriqaz"da bir gecədə 5 regional idarə rəisi işdən qovuldu" başlıqlı yazıda adı çəkilənlər işdən azad edilməyib, başqa vəzifələrə təyin olunublar: "Məsələn, Bakı İstismar Departamentinin rəisi Osman Behbudov Zaqatala Regional Qaz İstismar İdarəsinə rəis təyin olunub. Xatırladım ki, həmin idarəyə beş rayon daxildir”.

M.Qəhrəmanlı qeyd edib ki, Bakı Sayğaclaşdırma Departamentinin rəisi Elşən Quliyev "Azəriqaz"da Qaz olçü qurğuları şöbəsinə rəis muavini, Tərtər Regional Qaz İstismar İdarəsinin rəisi Bakı İstismar Departamentinin rəisi, Tərtər Regional Qaz İstismar İdarəsinin rəisi vəzifəsinə isə həmin idarənin rəis müavini təyinat alıblar.

Məlumatda bildirilir ki, Tərtər Regional Qaz İstismar İdarəsinin rəis vəzifəsinə təyin edilən şəxs də təsadüfi kadr deyil. O, "Azəriqaz" rəhbərinin satış üzrə müavini Ruslan Əliyevin qaynıdır.(Mənbə:MİA)