Peyğəmbərin karikaturasına görə qətl: daha üç şagird tutulub
Tarix: 29-11-2020 19:42 | Bölmə: Cəmiyyət
Peyğəmbərin karikaturasına görə qətl: daha üç şagird tutulub

Fransada orta məktəb müəllimi Semuel Patinin qətlinə görə daha üç şagird saxlanılıb.

Semuel Pati bu il oktyabrın 16-da Fransa paytaxtı yaxınlığındakı Konflan-Sent-Onorin şəhərində öldürülüb.

Pati söz azadlığından dərs dediyi vaxt orta məktəb şagirdlərinə Məhəmməd peyğəmbərin 2008-ci ilin iyulunda “Charlie Hebdo” jurnalında dərc olunan karikaturasını nümayiş etdiribmiş. Həmin karikatura “Charlie Hebdo” jurnalında çap edildiyi dövrdə müsəlmanların çox böyük etirazlarına səbəb olmuş, hətta bu etirazlar qətllərə, terror hadisələrinə gətirib çıxarmışdı.

47 yaşlı Semuel Patini karikaturanı nümayiş etdirdiyinə görə şagirdlərindən biri – Abdullah Anzarov öldürüb. O, məktəbin yaxınlığında müəllimin başını kəsib.

18 yaşlı Abdullah Anzarov rusiyalı mühacir, çeçen əsilli müsəlmandır.

“France 24” kanalı xəbər verir ki, Fransa polisi qətldə daha üç şagirdi şübhəli bilərək saxlayıb. Həmin şagirdlərin 13-14 yaşlarında olduqları bildirilir. Onlar Abdullah Anzarovla əlbir olmaqda, terror hadisəsində iştirak etməkdə günahlandırılır.(Novator.az)




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}