19:38 / 01-03-2021
Azərbaycanda zəlzələ olub
Türkiyədən Azərbaycana humanitar yardım göndərilib - Fotolar
Tarix: 18-01-2021 20:27 | Bölmə: Cəmiyyət
Türkiyədən Azərbaycana humanitar yardım göndərilib

Türkiyə Azərbaycan Dərnəkləri Federasyonun başqanı Bilal Dündar, Marmara İş Adamları Dərnəyinin başqanı Zəki Gedikoğlu, Qarabağ Azadlıq Təşkilatı Türkiyə təmsilçiliyinin rəhbəri Cəfər Dalın təşkilatçılığı ilə Türkiyədən Azərbaycana koronavirusa qarşı 10 min ədəddən artıq tibbi maskadan ibarət humanitar yardım göndərilib.

Bu barədə Reyting.az-a Qarabağ Azadlıq Təşkilatından məlumat verilib.

Məlumata görə, Azərbaycan Respublikasının Prezidenti yanında QHT-lərə Dövlət Dəstəyi Şurası İdarə heyətinin üzvü Emin Həsənli, QAT təmsilçiləri Akif Nağı, Barat İmani, Ceyhun Tağıyev, Hacı Əkbər Rüstəmov, Hacı Fərman Azançı, Kərəm Səfərov, Rafiq Quliyev, Babək Sadıqov və digərləri humanitar yardımı hava limanında qəbul edib, “TƏBİB” İcbari Sığorta qurumu ilə razılaşma əsasında “Yeni Klinika” Tibb Müəssisəsinə təqdim ediblər.



QAT sədri Akif Nağı mətbuat üçün açılamasında bildirib ki, Azərbaycan özünü istənilən avadanlıq, ləvazimat və digər vasitələrlə təmin etmək iqtidarındadır və özü də başqa ölkələrə vaxtaşırı yardımlar edir: “Azərbaycanla Türkiyə arasında xüsusi münasibətlər mövcuddur və buna uyğun olaraq həmişə xoş niyyətlər nümayiş etdirirlər. Türkiyə cəmiyyəti bu yardımı göndərməklə qardaş ölkəyə isti münasibətini bir daha bildirməyi özünə borc hesab edir. Biz bu işdə əməyi olan hər kəsə, Türkiyədəki dostlarımıza, həmçinin yardımın çatdırılmasında verdikləri dəstəyə görə Azərbaycan Respublikası Nazirlər Kabinetinə, koronavirusla bağlı Operativ Qərargaha, “AZAL” şirkətinə, Gömrük Komitəsinə, “TƏBİB” İcbari Sığorta qurumuna təşəkkür edirik. İnanırıq ki, Azərbaycanı sevən insanlar tərəfindən bizim vasitəmizlə göndərilən bu yardım həkimlərimizə, xəstələrimizə azacıq da olsa kömək edəcək, işlərinə yarayacaqdır, dəhşətli bəlaya - koronavirusa qarşı mübarizədə dostlarımızın və bizim kiçik töhfəmiz olacaqdır”.





Bölməyə aid digər xəbərlər
{sape_links}{sape_article}