Novella Cəfəroğlu: “Şuşanı Müsiqi Məkkəsinə çevirsələr...”
Tarix: 18-06-2021 16:30 | Bölmə: Cəmiyyət
Novella Cəfəroğlu: “Şuşanı Müsiqi Məkkəsinə çevirsələr...”

“Şuşa bizim hamımız üçün simvola çevrilib. Biz elə etməliyik ki, bütün dövlətlərdən gəlib Şuşaya baxmaq kimi arzular yaransın. Şuşada bizim evimizin olub-olmaması elə bir problem deyil. Əsas odur ki, Şuşa olsun və oradan musiqi səsi gəlsin”.

Bunu Reyting.az-a hüquq müdafiəçisi Novella Cəfəroğlu deyib.

O, əlavə edib ki, Şuşa şəhəri erməni işğalına məruz qalmazdan bir il əvvəl Şuşadan ev alıbmış: “Həyət evi almışdıq. Şuşanın mərkəzində olmasa da, çox gözəl yerdə idi. Evi aldıqdan sonra mətbəxtini və iki otağını təmir etdirmişdik. Böyük həyətim də var idi. Təəssüflər olsun ki, bir il sonra Şuşa şəhəri işğal olundu. Təsəvvür edin ki, evi aldıq, təmir etdirdik və heç içində yaşaya bilmədik. Böyük mətbəxtim vardı. Düşünürdük ki, gedib orada qalacağıq. Amma ermənilər bu arzumuzu gözümüzdə qoydu. Çox yaxşı haldır ki, 28 ildən sonra biz təkrar Şuşa ilə qovuşduq”.

Novella Cəfəroğlu deyib ki, Şuşadakı evinin bütün sənədləri hazırda durur: “Oradakı evimizin orderi, şahadətnaməsi və digər sənədləri var. Evin sənədləri hazırda İsraildədir. Ancaq əsas odur ki, əlimizdə sənədimiz var. Amma bilmirik ki, arxivdə belə sənədlər durur ya yox”.

Müsahibimiz 29 il bundan əvvəl Şuşada aldığı evi görmək istəyir: “Əlbəttə, gedib oradakı mənzilimizi görmək istəyirəm. Bu normal haldır. Ancaq məsələnin digər tərəfi də var. Bu gün bizim hamımız, elə şuşalılar üçün də ən vacibi Şuşanın dünyada əks-sədasının yüksəkdən gəlməsidir. Bu, bizə bəs edər. Adamın Allahı var, həqiqətən Şuşa müqəddəs şəhərə çevrildi. Sözsüz ki, hamı Şuşada evinin olmasını istəyər. Şuşadan və oradakı evimdən imtina etmərəm, amma Şuşanı Müsiqi Məkkəsinə çevirsələr, şəxsən mən hər şeydən keçərəm. O cümlədən Şuşadakı evimdən də”.




Bölməyə aid digər xəbərlər
bütün xəbərlər
{sape_links}{sape_article}