14:50 / 28-02-2024
Lavrov Türkiyəyə gedir
Estoniya Putinə inanmır və müdafiə xətti qurur
Tarix: 12-02-2024 11:35 | Bölmə: Dünya
Estoniya Putinə inanmır və müdafiə xətti qurur

Rusiya prezidenti Vladimir Putinin Polşaya və ya Baltikyanı ölkələrə hücum etmək niyyətində olmadığına dair verdiyi zəmanətə baxmayaraq, Estoniya Rusiya ilə sərhədində müdafiə xətti qurmağa davam edəcək.

Reyting.az
xəbər verir ki, bunu Estoniyanın müdafiə naziri Hanno Pevkur deyib.

Pevkur xəbərdarlıq edib ki, Putinin bəyanatlarına inanmaq olmaz.

Nazir, Ukraynaya genişmiqyaslı işğaldan bir neçə gün əvvəl Putinin belə bir niyyətini qəti şəkildə inkar etdiyini xatırladıb: “Putin jurnalistə müsahibə verdiyi üçün planlarımızı dəyişməyəcəyik. Onun dediklərindən və illər ərzində özünü necə aparmasından sonra Vladimir Putinə inanırsınız?”.

Nazir qeyd edib ki, Estoniya hazırlığını artırır və hər kəs bunu etməlidir.

Qeyd edək ki, Rusiya prezidenti Vladimir Putin Taker Karlsona verdiyi müsahibədə Polşa, Litva, Latviya və ya Estoniyaya hücum variantını nəzərdən keçirmədiyini deyib. Bundan əvvəl dünya mediası Rusiya Federasiyası ilə NATO arasında mümkün müharibə mövzusunu şişirtməyə başlayıb. “Bild” nəşri hətta Rusiyanın NATO-ya hücumunun mümkün ssenarisini də dərc edib.

E. KAMAL




Bölməyə aid digər xəbərlər
Dünən, 10:15 Patruşev Kubaya gedib

{sape_links}{sape_article}