Federal Aviasiya Administrasiyası (FAA) elan edib ki, Texasdakı El Paso hava limanına və hava limanından bütün uçuşlar “xüsusi təhlükəsizlik” səbəbindən dayandırılıb.

Reyting.az xəbər verir ki, FAA-nın açıqlamasına görə, pilotlara bu NOTAM ilə əhatə olunan ərazilərdə təyyarə idarə etmək qadağandır.

Səbəb “xüsusi təhlükəsizlik səbəbləri ilə müvəqqəti uçuş məhdudiyyətləri”dir.

Elanda məhdudiyyətlərin Meksika ilə həmsərhəd olan El Pasoya niyə tətbiq edildiyi göstərilməyib.

El Paso və qonşu Santa Tereza, Nyu Meksiko şəhəri üzərindəki hava məkanına məhdudiyyətlər GMT saat 18:30-da (Şərq vaxtı ilə saat 11:30) tətbiq edilib. Onlar eyni vaxtda, 21 fevralda başa çatacaq.

Hava limanı sosial mediada yerləşdirilən səyahət bildirişində bu məlumatı təsdiqləyərək, “kommersiya, yük və ümumi aviasiya da daxil olmaqla” bütün uçuşların ləğv edildiyini bildirib.

“Səyahətçilər ən son uçuş statusu haqqında məlumat almaq üçün aviaşirkətlə əlaqə saxlamalıdır”, - deyə məlumatda qeyd olunur.

V. QULİYEV