Məzarı dağıdıldı, fotosunun üzərinə “xain” sözü yazıldı
Tarix: 04-10-2019 11:55 | Bölmə: Dünya
Məzarı dağıdıldı, fotosunun üzərinə “xain” sözü yazıldı

Hindistanın müstəqillik hərəkatının lideri Mahatma Qandinin Bapu Bhavan məzarlığındakı külünün bir hissəsi oğurlanıb, oğrular Qandinin məzar fotosunun üzərinə “xain” sözü yazıblar.

Reyting.az
xəbər verir ki, Madhya Pradeş əyalətinin Reva şəhərinin polisi Bapu Bhavan məzarlığında 1948-ci ildən saxlanılan Qandinin cəsədinin külünün bir hissəsinin oğurlandığını etiraf edib.

Oğrular Hindistan milli azadlıq hərəkatının lideri, sui-qəsd nəticəsində öldürülən Qandinin fotosu üzərinə “xain” yazıblar.

Məzara nəzarət edən Manqaldeep Tivari yerli mediaya bildirib ki, Qandinin doğum günü olduğundan səhər saatlarında məzarın qapısını açıb və bu zaman külün bir hissəsinin oğurlandığını görərək polisə məlumat verib. O, bu hadisəni biabırcı və utanverici olay kimi qiymətləndirib.

Hindistan polisi isə hadisəni mlli birliyə zərər vermək niyyəti ilə atılan addım olduğunu bəyan edib. Polis dərhal hərəkətə keçib.

Qeyd edək ki, Hindistanda bəzi aşırı millətçi qruplar Qandinin Hindi-Müsəlman Birliyini müdafiə etməsini vətənə xəyanət kimi qiymətləndirirlər.

Hindistanda İngiltərə müstəmləkəçiliyinə qarşı dinc mübarizə hərəkatının lideri Mahatma Qandi 100 milyonlarla hindu tərəfindən “millətin atası” kimi qəbul olunur.

Onu da qeyd edək ki, Qandi 1948-ci ilin 2 oktyabrında aşırı bir hindi tərəfindən sui-qəsd nəticəsində öldürülüb.скачать dle 10.5фильмы бесплатно




Bölməyə aid digər xəbərlər
{sape_links}{sape_article}