18:09 / 11-04-2024
Bakıda qətl törədilib
“Qarabağ” avrokubokların 1/8 finalına yüksəlib - (Yenilənib)
Tarix: 23-02-2024 00:24 | Bölmə: İdman
“Qarabağ” avrokubokların 1/8 finalına yüksəlib - (Yenilənib)

“Qarabağ”-“Braqa” (Portuqaliya) komandalarının UEFA Avropa Liqasının pley-off mərhələsinin cavab oyununda ikinci qol vurulub.

Reyting.az
xəbər verir ki, Tofiq Bəhramov adına Respublika stadionunda keçirilən qarşılaşmada qonaqlar 2:0 hesabı ilə öndədir.

***

Nəhayət ki, “Qarabağ” əlavə vaxtda bir qolla hesabı açıb: 2:1.

***

“Qarabağ”- “Braqa” oyunu rəqib komandanın 3:2 hesablı qələbəsi ilə başa çatıb. Ancaq ilk oyunun nəticəsinə görə "Qarabağ" tarixində ilk dəfə avrokubokların 1/8 finalına yüksəlib.

Azərbaycan çempionu UEFA Avropa Liqasının pley-off mərhələsində Portuqaliyanın “Braqa” klubunu üstələyərək, bunu reallaşdırıb.

Səfərdə 4:2 hesablı qələbə qazanan Ağdam təmsilçisi Tofiq Bəhramov adına Respublika stadionundakı cavab qarşılaşmasında 2:3 hesabı ilə uduzsa da, mərhələni adlamağı bacarıb.

Birinci hissədə qapılara qol vurulmayıb. 57-ci dəqiqədə “Qarabağ” meydançada azlıqda qalıb. Müdafiəçi Elvin Cəfərquliyev qırmızı vərəqə alıb. Say üstünlüyündən istifadə edən qonaqlar 70-ci dəqiqədə hesabı açıblar. Rocer Fernandes yaxın məsafədən çərçivəni dəqiq nişan alıb. “Braqa” 83-cü dəqiqədə ikinci qolu vurub. Bu dəfə Alvaro Calo fərqlənib.

Portuqaliyalılar 90 dəqiqəni 2:0 hesabı ilə öndə tamamlayıblar. Ümumi hesab 4:4 olduğundan, əlavə 30 dəqiqə oynanılıb.

102-ci dəqiqədə Mateus Silva fərqlənərək, “Qarabağ”ı ümumi hesabda önə keçirib. Lakin 115-ci dəqiqədə Simon Banza penaltini dəqiq yerinə yetirərək, görüşdə hesabı komandasının xeyrinə 3:1-ə çatdırıb.

Ancaq təslim olmayan Azərbaycan çempionu 120+2-ci dəqiqədə növbəti mərhələni gətirən qolu vurub. Nəriman Axundzadə qapıçı ilə təkbətək şansı əldən verməyib. Nəticədə təmsilçimiz 2:3 hesabı ilə məğlub olsa da, ümumi hesabda 6:5 qalib gəlib.

Beləliklə, “Qarabağ” Azərbaycan futbol tarixində avrokubokların 1/8 finalına yüksələn ilk klub olub. Bu mərhələnin oyunları martın 7-də və 14-də keçiriləcək.

Reyting.az




Bölməyə aid digər xəbərlər
{sape_links}{sape_article}