“Çelsi” Sarriyə görə “Yuventus”dan kompensasiya tələb edir
Tarix: 05-06-2019 23:16 | Bölmə: İdman
“Çelsi” Sarriyə görə “Yuventus”dan kompensasiya tələb edir

Maurisio Sarrinin “Çelsi”dən “Yuventus”a keçidi pozula bilər.

Reyting.az bildirir ki, “Sky Sports İtalia”nın iddiasına görə, London klubu “Yuventus”dan italiyalı mütəxəssisə görə 6,3 milyon funt sterlinq kompensasiya kimi ödəməyi tələb edir.

Xatırladaq ki, Massimiliano Alleqri 2018/19-cu il mövsümünün sonunda Turin klubunun baş məşqçisi postunu tərk edib.

Sarri “Çelsi”yə 2018-ci ilin yayından başçılıq edir. Londonlular onun rəhbərliyi altında İngiltərə çempionatında üçüncü yeri tutub və Avropa liqasının qalibi olub.

Yeri gəlmişkən, “Napoli”nin lideri Lorenso İnsinye Sarrinin “Yuventus”a keçidinin əleyhinə çıxıb. Xatırladaq ki, 60 yaşlı italiyalı mütəxəssis 2018-ci ilin yayında “Çelsi”yə keçənə qədər 3 mövsüm “Napoli”yə başçılıq edib.

“Əgər Sarri “Yuventus”u seçərsə, onda biz neapollular üçün bu əsl satqınlıq olacaq. “Yuventus”un lehinə seçim bizi yaralayacaq. Sarri, ilk növbədə məşqçi və öz işinin professionalıdır. O, “Napoli”də bacardığı hər şeyi edib. Bu onun şəxsi qərarıdır, ancaq ümid edirəm ki, o yenidən düşünəcək”, - İnsinye söyləyib.

Reyting.az
скачать dle 10.5фильмы бесплатно




Bölməyə aid digər xəbərlər
12-09-2019, 14:40 AFFA bəyanat yaydı

{sape_links}{sape_article}