17:38 / 28-03-2024
Əməkdar artist vəfat edib
Qurban Qurbanov "Qarabağ"dan ayrıla bilər - Baş məşqçiyə təklif var
Tarix: 05-10-2019 11:27 | Bölmə: İdman
Qurban Qurbanov "Qarabağ"dan ayrıla bilər - Baş məşqçiyə təklif var

Moskvanın "Spartak" klubu baş məşqçisi Oleq Kononvu istefaya göndərib.

Reyting.az
xəbər verir ki, Sportinfo.az-ın "Spartak"a yaxın mənbədən aldığı məlumata görə, paytaxt klubu "Qarabağ"ın baş məşqçisi Qurban Qurbanova da maraq göstərir.

Məlumata görə, "Spartak"ın nümayəndələri Qurban Qurbanovla əlaqə saxlayıb, təcrübəli mütəxəssisin məsələyə münasibətini öyrənmək istəyiblər.

Məlumatda bildirilir ki, "Spartak" rəhbərliyi "Qarabağ"ın Avropa Liqasının qrup mərhələsində oynamasını nəzərə alaraq, Qurbanovla qışda və ya mövsümün sonunda da anlaşma əldə etməyə razıdır.

"Spartak" rəhbərliyində təmsil olunan bir neçə şəxs Qurbanovun oyun fəlsəfəsini bəyənir və bunun "Spartak"a uyğun olduğunu düşünür. Üstəlik, həmin şəxslər Qurbanovun futbolçu kimi Rusiya çempionatında çıxış etməsini də əsas gətirərək, onun ölkə futboluna yad sima olmadığını qabardırlar.

Qeyd olunur ki, Qurbanov razılıq verəcəyi təqdirdə, "Spartak"ı qış fasiləsinə, ya da mövsümün sonuna qədər müvəqqəti baş məşqçi çalışdıra bilər. Qurbanovun bu təklifə münasibəti barədə məlumat verilmir.

Reyting.az




Bölməyə aid digər xəbərlər
{sape_links}{sape_article}