UEFA prezidenti: “Ən yaxşı nəticə üçün nəyisə qurban verməlidir”
Tarix: 17-03-2020 21:36 | Bölmə: İdman
UEFA prezidenti: “Ən yaxşı nəticə üçün nəyisə qurban verməlidir”

“Bizim başında durduğumuz idmanla nəfəs alıb, yaşayan nəhəng sayda insan bu görünməz və sürətlə hərəkət edən rəqib qarşısında əzilib. Belə bir vaxtlarda bütün futbol ictimaiyyəti məsuliyyət, birlik, həmrəylik və altruizm nümayiş etdirməlidir”.

Bunu UEFA-nın prezidenti Aleksander Çeferin deyib.

Milli assosiasiyaların nümayəndələri ilə bu gün keçirilən videokonfransdan sonra qurum başçısı koronavirus pandemiyasının iflic vəziyyətinə qoyduğu futbolun xilas yollarında əldə olunan həmrəylikdən danışıb: “Azarkeşlərin, əməkdaşların, oyunçuların sağlamlığı bizim üçün əsas prioritet olmalıdır. UEFA bir sıra variantlar təklif etdi ki, böyük yarışlar başa çatdırılsın. Buna Avropa futbolunu təmsil edən həmkarlarımın necə reaksiya verməsi ilə qürur duyuram. Əsl əməkdaşlıq ruhu hökm sürürdü. Hər kəs başa düşürdü ki, ən yaxşı nəticə üçün nəyisə qurban verməlidir. Vacib olan o idi ki, UEFA Avropa futbolunun rəhbəri kimi prosesin önündə getsin və ən çox qurban versin. AVRO-2020-nin bir il sonraya təxirə salınması UEFA üçün nəhəng zərərlə nəticələnəcək. Amma biz hər şey edəcəyik ki, qadın və həvəskar futbolu, həmçinin 55 milli assosiasiyanın hamısında inkişafa nail olaq”.

Çeferin əsas prinsipin “Hədəf qazancdan öndədir” olduğunu bildirib: “Avropa futbolunun mənafeyi üçün qərar verərkən də buna sadiq qaldıq. Futbol sosial liftdir və cəmiyyətdə böyük gücdür. Ümumavropa futbol bayramının boş stadionlarda, azarkeşsiz fan-zonalarda olması, azarkeşlərin izolyasiyada evdə oturması fikri sevindirici deyildi. Biz turnirin 60-cı ildönümünü belə qeyd edə bilməzdik. Milli assosiasiyalarla yanaşı həmrəylik nümayiş etdirən Avropa Klublar Assosiasiyası, FİFA və şəxsən Canni İnfantino, Amerika kubokunun vaxtını dəyişməyə razı olan Cənubi Amerika Futbol Konfederasiyası və Futbolçuların Həmkarlar İttifaqına minnətdaram”.

APAскачать dle 10.5фильмы бесплатно




Bölməyə aid digər xəbərlər
{sape_links}{sape_article}