Maradonanın ölümünə baiskar şəxslər bəlli olub
Tarix: 26-10-2021 15:53 | Bölmə: İdman
Maradonanın ölümünə baiskar şəxslər bəlli olub
Maradona

Diyeqo Armondo Maradonanın ölümü ilə bağlı istintaqa cəlb edilən mərhumun vəkili Matias Morlanın açıqlaması hay-küyə səbəb olub.

Reyting.az
utro.ru-ya istinadla xəbər verir ki, Maradonanın ölümü ilə bağlı davam edən istintaqın gedişində şahid qismində dövlət ittihamçıları ilə görüşən Morla futbol ulduzuna vaxtında keyfiyyətli tibbi yardım göstərilmədiyi bildirib. Axırıncı dəfə Maradona ilə noyabrın ortalarında görüşən hüquqşünas “o, elə bil robotun səsi ilə danışırdı”, - deyib.

Morlanın sözlərinə görə, hələ ölümünə iki həftə qalmış əməliyyat keçirən futbolçuya həmin klinikadan bir müddət həkim nəzarəti altında qalmasını tövsiyə ediblər: “Bu, ağılsızlıqdır. Həkimlər deyib o, klinikada qalmalıdır, amma ailəsi ev şəraitində müalicəsini davam etdirməyə qərar verib. Diyeqonun ağır vəziyyətdə olması barədə bir qədər əvvəl hamıya xəbər vermişdim. Yalnız iş-işdən keçəndən sonra anladılar ki, ölümə səbəb bədənə böyük miqdarda suyun yığılmasıdır. Hətta o vəziyyətdə də həkimlər Maradonaya lazımi səviyyədə tibbi yardım və nəzarət etməyiblər. Məhz bu amillər ölümə gətirib çıxarıb”.


M. Morlan


M. Morlanın bu açıqlaması mərhumun doğmalarının hiddətinə, mediada isə hay-küyə səbəb olub.

Qeyd edək ki, dünya şöhrətli futbolçu, Argentina yığmasının keçmiş məşqçisi Diyeqo Maradona ötən il noyabrın 25-də 60 yaşında ciyərlərinin hədsiz şişməsinə gətirib çıxarmış kəskin ürək çatışmazlığından dünyasını dəyişib. Hazırda ölkə prokurorluğu tibbi personalın səhlənkarlığı ehtimalı ilə bağlı təhqiqatla məşğuldur.




Bölməyə aid digər xəbərlər
bütün xəbərlər
{sape_links}{sape_article}