Ramil Hüseyn: “Bəzi məhsullar ƏDV-dən azad ediləcək”

Xəbər lenti

14:30 / 26-05-2020

Avropa məhkəməsi Ramil Səfərova görə Azərbaycanın əleyhinə qərar verdi

14:25 / 26-05-2020

Xaricdəki aztəminatlı azərbaycanlılara yardımla bağlı layihə hökumətə təqdim edilib

14:14 / 26-05-2020

Deputat Vüqar Bayramov seçicilərlə görüşlərə başlayıb - Fotolar

14:01 / 26-05-2020

İranda daha 57 nəfər koronavirusdan ölüb, 1800 nəfərə yaxın isə yoluxub

13:55 / 26-05-2020

Suriyada döyüşmək üçün rüşvət - Proses

13:45 / 26-05-2020

FİFA qadın futbolçuları zorlayan federasiya prezidentini cəzalandırıb

13:39 / 26-05-2020

Rumıniyanın dövlət başçısı Azərbaycan Prezidentini təbrik etdi

13:32 / 26-05-2020

Ermənilər Azərbaycan və Macarıstan hökumətlərini məhkəməyə verib - Səbəb

13:27 / 26-05-2020

Kümçülərə verilən ipəkqurdu məhv olur

13:24 / 26-05-2020

Putin yeni baş nazirə zəng edib

13:14 / 26-05-2020

Sabah hava necə olacaq? - Proqnoz

13:07 / 26-05-2020

DYP Sumqayıtda 5 nəfərin ölümü ilə bağlı məlumat yaydı

12:57 / 26-05-2020

Ronaldo: "Mənim etmədiyimi heç kim bacarmaz"

12:42 / 26-05-2020

Əfqanıstanda “Taliban”ın 900 üzvü həbsdən azad edilib

12:31 / 26-05-2020

DİN-dən iti itə yedirdən şəxsələ bağlı - Açıqlama

12:16 / 26-05-2020

Gizli təşkil edilən yas mərasimində 163 nəfər koronavirusa yoluxdu

11:56 / 26-05-2020

Prezident: “Gürcüstanda parlament seçkiləri təxirə salınmayacaq”

11:52 / 26-05-2020

Rusiyada daha 8915 nəfərdə koronavirus aşkarlanıb

11:44 / 26-05-2020

ÜST: "Çimərliklərdə ehtiyatlı olmaq lazımdır"

11:41 / 26-05-2020

ÜST-dən Azərbaycanda karantin rejiminin yumşaldılmasına - Reaksiya

11:10 / 26-05-2020

Əli Kərimlinin köməkçisi növbəti dəfə həbs olundu

11:01 / 26-05-2020

Ermənistanda daha 289 nəfər koronavirusa yoluxub

10:55 / 26-05-2020

Həbib Nurməhəmmədov koronavirus testindən imtina edib

10:46 / 26-05-2020

Gəncədə 63 yaşlı kişi öldürüldü

10:26 / 26-05-2020

Ukraynada daha 339 nəfərdə koronavirus aşkarlanıb

10:13 / 26-05-2020

Bu il dünyada neftə tələbat 9-15% azala bilər

10:10 / 26-05-2020

Qaradağda yol qəzasında 5 nəfər ölüb

00:25 / 26-05-2020

Dünyada koronavirusa yoluxanların sayı 5,3 milyonu ötüb

22:45 / 25-05-2020

Fransada koronavirus xəstələrinin sayı azalır

21:50 / 25-05-2020

Türkiyədə daha 29 nəfər koronavirusdan ölüb, 987 nəfər isə yoluxub

Ən çox oxunanlar

12:29 / 22-05-2020

Prezident daha bir icra başçısını vəzifədən azad etdi

15:15 / 22-05-2020

Prezident bir qrup şəxsi təltif etdi - Siyahı

16:35 / 21-05-2020

Təhsil naziri: "...hazır olmayanlar üçün avqust-sentyabr aylarında yenidən imtahanlar təşkil ediləcək"

18:23 / 24-05-2020

Qiyamçı general Türkiyəyə müharibə elan etdi

14:53 / 24-05-2020

Əbülfəs Qarayevlə Elçin Quliyevə Britaniyada cinayət işi açılıb

17:11 / 21-05-2020

Prezident anons verdi: "İcra başçılarının fəaliyyəti təftiş edilir..."

14:00 / 24-05-2020

Emin Ağalarov müğənni ilə gizli sevgi münasibətində şübhəli bilinir - Fotolar

15:49 / 21-05-2020

Baş prokurora yeni müavinlər təyin olunub

12:43 / 22-05-2020

Azərbaycanda daha iki vəzifəli şəxs tutuldu

14:28 / 23-05-2020

Naxçıvana Baş Nazir təyin edilib

18:59 / 24-05-2020

Gələcək nazir... kim olmalıdır? - Firuz Mustafa yazır

16:10 / 22-05-2020

11 prezidentin sirrini bilən şəxs koronavirusdan öldü - Fotolar

Ramil Hüseyn: “Bəzi məhsullar ƏDV-dən azad ediləcək”
Tarix: 17-04-2020 16:09 | Bölmə: İqtisadiyyat

Şirift ölçüsü:

Koronavirus pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların ölkə iqtisadiyyatına, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin sərəncamının icrasını təmin etmək üçün Nazirlər Kabineti tərəfindən təsdiqlənən Tədbirlər planınında daxili tələbin genişləndirilməsi vasitəsilə iqtisadi artımın sürətini və məşğulluğun qorunması, yeni iş yerlərinin açılması məqsədilə ortamüddətli dövrdə dövlətin iqtisadi siyasətinin əsas prioritetləri müəyyənləşdirilib.

Bu zaman tikinti sektoru, dağ-mədən sənayesi, neft-kimya sənayesi, rəqəmsal iqtisadiyyat, nəqliyyat, ticarət və logistika, telekommunikasiya, daxili turizm fəaliyyət sahələri ilə yanaşı kənd təsərrüfatı və emal sənayesinin də seçilməsi həm də ölkəmizin ərzaq təhlükəsizliyi baxımından mühüm əhəmiyyətə malikdir.

Reyting.az “Report”-a istinadla xəbər verir ki, bu istiqamətdə görülən işləri şərh edən İqtisadi İslahatların Təhlili və Kommunikasiya Mərkəzinin icraçı direktorunun müavini Ramil Hüseyn bildirib ki, koronavirus pandemiyasının yayılması ilə dünyada kənd təsərrüfatının inkişafı və əhalinin yerli istehsal hesabına təmini məsələsi ciddi şəkildə aktuallaşıb: “Belə bir şərait göstərdi ki, Azərbaycan kənd təsərrüfatının inkişafına və ərzaq təhlükəsizliyinin təmini məsələsinə xüsusi diqqət yetirməklə düzgün siyasət həyata keçirib. Son illərdə ölkəmizdə əhalinin yerli məhsulları ilə təminatına nail olmaq üçün kənd təsərrüfatının subsidiyalaşdırılması bu baxımdan xüsusi qeyd edilməlidir. Bu fəaliyyətlərin nəticəsidir ki, son 7 il ərzində ölkəmiz ardıcıl olaraq Qlobal Ərzaq Təhlükəsizliyi İndeksindəki mövqeyini yüksəldib. Ötən il Azərbaycan sözügedən hesabatda 53-cü yeri tutub və ərzaq təhlükəsizliyinin təmininə görə Asiya və Sakit okean ölkələri arasında ilk onluqda təmsil olunub".

Ramil Hüseyn qeyd edib ki, hətta qlobal iqtisadi proseslərin təsiri ilə 2016-cı ildə ölkədə ÜDM azalsa da, kənd təsərrüfatında artım qeydə alınıb: "Cari ildə koronavirus pandemiyasının təsiri ilə iqtisadiyyatın bəzi sahələrində zəifləmə olacağı gözlənilsədə, kənd təsərrüfatı sahəsində artımın olacağı proqnozlaşdırılır. Bildiyiniz kimi, bu ilin birinci rübündə ümumi kənd təsərrüfatı məhsullarının istehsalı əvvəlki illə müqayisədə 3,7 faiz artıb. Xüsusən də, bu ilin ilk 3 ayında kənd təsərrüfatı məhsullarının ixracı ötən ilin müvafiq dövrü ilə müqayisədə 7 faiz artıb. O cümlədən tərəvəz ixracı 55 faiz, pambıq mahlıcı ixracı 14,5 faiz artıb. Tədbirlər planı çərçivəsində görüləcək işlərdə kənd təsərrüfatı məhsullarının istehsalının və ixracının artmasına, ölkənin ərzaq təhlükəsiliyinin güclənməsinə xidmət edəcək".

İcraçı direktor müavini vurğulayıb ki, pandemiya şəraitində və ya hər hansı fövqəladə hal zamanı əhalinin taxıl məhsulları ilə təminatında problemin yaranmaması üçün Dövlət Taxıl Fondunun yaradılması da vaxtında verilmiş doğru qərardır: "Dövlət Taxıl Fondunda buğda ehtiyatı var. Digər tərəfdən, Azərbaycan ərzaqlıq buğdanın bir hissəsini əsasən Rusiya və Qazaxstandan idxal edir və hazırda bununla bağlı işlər gedir. Kartofla bağlı da ölkəmizin mövcud ehtiyatları tələbatın ödənilməsi üçün tam kifayət edir. Ölkəmizdə faraş kartof da bazara çıxmaq ərəfəsindədir. Həmçinin soğanın və digər tərəvəzlərin də istehsal ilə bağlı vəziyyət qaydasındadır.

DSK-nın məlumatlarına əsasən, ölkəmizin faktiki şəkər ehtiyatlarının həcmi 395 min tona bərabərdir və bu da yaxın aylarda daxili istehlakın ödənilməsində problemlərin olmayacağını göstərir.

Həmçinin 2020-ci ilin yanvar-fevral aylarında ölkəmizə 7,86 min ton düyü idxal olunub. Hazırda düyü ehtiyatının həcmi təqribən 5 aylıq tələbatın ödənilməsinə kifayət edir. Ət və süd məhsulları ilə tələbatın ödənilməsi isə əsasən yerli istehsal hesabına təmin olunur. Əhalinin digər ərzaq məhsulları ilə təminatı istiqamətində də iş aparılır.

Tədbirlər planı çərçivəsində əhalinin ərzaq və tibbi ehtiyacları üçün zəruri olan bəzi məhsul növlərinin idxalının ƏDV-dən müddətli azad edilməsi məsələsinə baxılacaq. Eyni zamanda bəzi məhsul növlərinin istehsalı ilə bağlı xammal və materialların idxalının ƏDV-dən azad ediləcək".

R. Hüseyn deyib ki, koronavirus böhranının kənd təsərrüfatına mənfi təsirinin minimallaşdırılması üçün də müvafiq iş aparılır: "Nazirlər Kabinetinin qərarına əsasən, kənd təsərrüfatı və yardımçı sahələrdə fəaliyyət göstərən şəxslərin hərəkəti ilə bağlı məsələləri tənzimləmək üçün Təlimat təsdiqlənib. Bu Təlimat xüsusi karantin rejimi dövründə kənd təsərrüfatı məhsullarının istehsalı, emalı ilə məşğul olan şəxslərin hərəkəti ilə bağlı qaydaları müəyyən edir. Yəni kənd təsərrüfatında məhsul istehsalının davamlılığını təmin etmək üçün iş görülür.

Həmçinin Prezidentin sərəncamına əsasən, aqrar sektorda təminatsız mikrokreditlərin verilməsi üçün Aqrar Kredit və İnkişaf Agentliyinə 30 milyon manatın ayrılması da mühüm əhəmiyyətə malikdir. Bu vəsait koronavirus pandemiyası şəraitində və sonrakı dövrdə kənd təsərrüfatı məhsulları istehsalçılarının maliyyə vəsaitinə ehtiyacının qarşılanmasına xidmət edəcək.

Xüsusən su ehtiyatlarından səmərəli istifadənin təmin edilməsi istiqamətində komissiyanın yaradılması və onun qarşısına su ehtiyatlarından səmərəli istifadənin təmin edilməsi məsələsinin qoyulması kənd təsərrüfatının inkişafına töhfə verəcəkdir.

Yekun olaraq deyə bilərik ki, dövlətin iqtisadi siyasətinin əsas prioriteti kimi kənd təsərrüfatı və emal sənayesinin inkişafının seçilməsi yerli istehsalın artmasına və ərzaq məhsulları ilə özünütəmin səviyyəsinin yüksəlməsinə xidmət edəcək".

Ana səhifəyə dön