Təbriz-Naxçıvan dəmir yolu müzakirə edilib - Foto
Tarix: 09-06-2021 20:13 | Bölmə: İqtisadiyyat
Təbriz-Naxçıvan dəmir yolu müzakirə edilib

İran Naxçıvan MR və Azərbaycanla müxtəlif sahələrdə əməkdaşlığa hazırdır.

Reyting.az
“Tehran Times”a istinadla xəbər verir ki, bunu İranın yol və şəhərsalma naziri Məhəmməd İslami Naxçıvan Ali Məclisinin sədri Vasif Talıbov ilə görüşündə bildirib.

Azərbaycan Baş nazirinin müavini Şahin Mustafayevin də qatıldığı iclasda iştirakçılar iki qonşu ölkə arasında əməkdaşlığın inkişaf tendensiyasından məmnunluqlarını ifadə ediblər.

Tərəflər enerji, dəmir yolu nəqliyyatı və Naxçıvan-Məşhəd dəmir yolunun tikintisinin başa çatdırılması, habelə Naxçıvanın İran İslam Respublikası üzərindən Azərbaycanın digər bölgələri ilə əlaqəsi sahəsində əməkdaşlığı müzakirə ediblər.

Hər iki tərəf yuxarıda göstərilən məsələləri həll etmək üçün ixtisaslaşdırılmış işçi qrupları yaratmağa qərar verib.

İranlı nazir Şahin Mustafayevlə birlikdə Azərbaycanla sərhəddəki Culfa terminalına və bir sıra digər sənaye zonalarına baş çəkib.

Məhəmməd İslami bölgədəki vəziyyətin inkişafı və Rusiya, Azərbaycan və Ermənistan arasındakı üçtərəfli razılaşmanı nəzərə alaraq, Təbriz-Naxçıvan dəmir yolunun Azərbaycan və Rusiya ərazisindən keçməsinin İran Nəqliyyat Nazirliyinin gündəmində olduğunu və bunun nəqliyyatın, eləcə də bölgə ölkələrinin ticarət imkanlarını genişlənəcəyini söyləyib.

Nazir İran və Azərbaycanın Qara dəniz və Fars körfəzi dəhlizlərində təsirli rol oynamaq üçün çoxsaylı imkanlara və böyük potensiala sahib olduğunu da bildirib.



İranın yol və şəhərsalma nazirinin Bakıya səfəri zamanı Astaraçay sərhəd çayı üzərində avtomobil körpüsünün inşasına dair anlaşma memorandumu da imzalanıb.

Reyting.az
İRNA-ya istinadla xəbər verir ki, əməkdaşlıq sənədi İran İslam Respublikasının yol və şəhərsalma naziri Məhəmməd İslami və Azərbaycan Respublikası Baş nazirinin müavini Şahin Mustafayev tərəfindən imzalanıb.

İmzalanan memoranduma əsasən, Astaraçay çayı üzərində 4,7 milyon avroluq körpünün tikintisi 12 ay müddətində və bərabər payla həyata keçiriləcəkdir.




Bölməyə aid digər xəbərlər
{sape_links}{sape_article}