ABŞ-da Xocalı faciəsi ilə bağlı sərgi təşkil edilib
Tarix: 08-03-2020 11:39 | Bölmə: Mədəniyyət
ABŞ-da Xocalı faciəsi ilə bağlı sərgi təşkil edilib

Amerika Birləşmiş Ştatlarının (ABŞ) şimal-şərqində yerləşən Meyn ştatında “Xocalı faciəsi uşaqların gözündə” adlı rəsm sərgisi açılıb.

Reyting.az
xəbər verir ki, ABŞ-da fəaliyyət göstərən Amerika-Azərbaycan Cəmiyyətinin üzvü və təşkilatın Meyn ştatı üzrə Azərbaycan icmasının rəhbəri Tərlan Əhmədovun təşkilatçılığı ilə açılan sərgidə nümayiş olunan əsərlərdə Xocalı faciəsində yaşananlar uşaqların fırçası ilə canlandırılıb.

30-dan çox rəsm əsərinin nümayiş olunduğu sərgidə məlumat lövhələri qoyulub və ziyarətçilərə Xocalı faicəsi haqqında tarixi faktların yer aldığı məlumatlar təqdim edilib.

T. Əhmədov “Report”a açıqlamasında bilirdib ki, Xocalı faciəsi, Ermənistanın işğalçılıq siyasəti haqqında tez-tez tədbirlərin təşkil olunduğu Meyn ştatında icmanın səyləri nəticəsində soyqırımın anılmasına dair sənəd qəbul olunub. Meyn ştatının qanunvericiləri sənəddə ABŞ-ın Azərbaycanın suverenliyi və ərazi bütövlüyünün dəstəklənməsi siyasətinə qoşulduqlarını bildiriblər.

“Məqsədimiz Xocalıda yaşananları daha geniş kütləyə, Amerika cəmiyyətinə çatdırmaqdır. Keçən illər ərzində bu istəyimizə bir qədər nail olmuşuq. Ancaq dayanmaq fikrimiz yoxdur.

Bugünkü sərgidə nümayiş etdirilən şəkillərdə faciənin real üzü əks olunub. Rəsm əsərlərində Xocalıda qarda donan uşaqlar, vəhşiçəsinə öldürülən yaşlılar və körpələr yer alıb. İnanırıq ki, haqq səsimizi eşidib, bu faciəni törədənləri beynəlxaq hüquq qarşısında sorğuya çəkəcəklər”, – deyə o bildirib.

ABŞ-da Xocalı faciəsi ilə bağlı sərgi təşkil edilibскачать dle 10.5фильмы бесплатно




Bölməyə aid digər xəbərlər
27-03-2020, 12:46 Xalq artisti vəfat etdi

{sape_links}{sape_article}