Qazilərimizlə bağlı yeni layihəyə start verilir - Foto
Tarix: 20-10-2021 09:02 | Bölmə: Mədəniyyət
Qazilərimizlə bağlı yeni layihəyə start verilir

44 günlük Vətən müharibəsində tarixi qələbənin əldə edilməsində misilsiz fədakarlıq göstərən, ölkəmizin ərazi bütövlüyü yolunda sağlamlığını itirən, xalqımıza sonsuz sevinc və qürur hissləri yaşadan qazilərimiz hər bir azərbaycanlının qəlbində taxt qurub. Qazilərimiz daim dövlətimizin diqqət və qayğısı ilə əhatə olunur.

Reyting.az
xəbər verir ki, tarixi Zəfərlə başa çatan Vətən müharibəsində mədəniyyət işçiləri də iştirak ediblər. Onlardan on nəfər qazilik zirvəsinə ucalıb.

Adlarını Azərbaycanın tarixinə əbədi həkk etmiş bu igidlərin ölkə ictimaiyyəti tərəfindən daha geniş tanınması məqsədilə Mədəniyyət Nazirliyi “Səhnədən səngərə: Qazilər” layihəsinə start verir.

Qeyd edək ki, layihə çərçivəsində qazi mədəniyyət işçilərimiz haqqında videoçarxlar hazırlanacaq. Onların 44 günlük müharibə müddətində göstərdikləri şücaət, ailə üzvləri, doğmaları, döyüş yoldaşları ilə söhbət və müsahibələrdən ibarət olacaq hər bir videoçarxda qazilərimizin mədəniyyət sahəsində fəaliyyəti, qəhrəmanlığı əks etdiriləcək.





Bölməyə aid digər xəbərlər
bütün xəbərlər
{sape_links}{sape_article}