Fransanın qərəzi, İranın hiyləsi - İsrafil Kərimov yazır
Tarix: 28-11-2022 23:24 | Bölmə: İsrafil KƏRİMOV
Fransanın qərəzi, İranın hiyləsi

İsrafil Kərimov
Azərbaycan Jurnalistlər Birliyinin üzvü

Noyabrın 25-də Bakıda, ADA Universitetində Azərbaycan Respublikasının Prezidenti İlham Əliyevin iştirakı ilə “Orta Dəhliz boyunca: geosiyasət, təhlükəsizlik və iqtisadiyyat” mövzusunda mötəbər beynəlxalq konfrans keçirilib. Konfransda ölkə başçısı geniş çıxış edərək bir sıra məqamlara toxunub, region ölkələri və regiondan kənarda olan ölkələr haqqında mühüm mesajlar verib.

İlk olaraq Fransa ilə əlaqələrə yenidən münasibət bildirilib. Qeyd olunub ki, Fransanın Azərbaycana qarşı sərgilədiyi münasibətdən sonra ümumiyyətlə, Fransanın hansısa formada regionda baş verən proseslərdə iştirakı mümkün olmayacaq.

Xatırladım ki, bu il oktyabrın 6-da Praqada keçirilən görüşdən cəmi bir həftə sonra Fransa prezidenti Makron öz müsahibəsində Azərbaycanı bir sıra məsələlərdə ittiham edib. Daha sonra Fransa Senatının tamamilə qəbuledilməz və təhqiredici qətnaməsi qəbul olunub. Bunun ardınca Fransanın Frankofoniya Sammitində Azərbaycana qarşı hücuma cəhd edilib. Bu, qətiyyən qəbuledilməzdir, çünki Frankofoniya humanitar təsisatdır və heç vaxt belə məsələlərlə məşğul olmayıb.

Belə bir şəraitdə Fransa Azərbaycan və Ermənistan arasında sülh danışıqlarında iştirak edə bilməz. Çünki nə Rusiya, nə də Amerika, keçmiş Minsk qrupunun hansısa həmsədri heç vaxt rəsmən, yəni müharibədən sonrakı dövrdə tərəf tutmayıb, bunu yalnız Fransa edib, özü də açıq şəkildə.

Cənab prezident həm də son vaxtlarda İranla bağlı yaranan problemlərdən danışıb. İranın son iki il ərzində aktiv şəkildə Azərbaycana qarşı göstərdiyi mövqe nə din, nə mədəni, nə də tarixi oratqlığımıza sığmır. İranın əzələ nümayişi isə açıq-aşkar təhdid xarakteri daşıyırdı. Belə olan halda Azərbaycana da bu münasibətə layiqli cavab verdi. Bununla da Azərbaycan kimdənsə və ya nədənsə qorxmadığını bir daha sübut etdi.

Ümumiyyətlə, Azərbaycan II Qarabağ müharibəsindən sonra regionda yeni sülh şəraitini bərqrar edib, yeni əməkdaşlıq platformaları təklif etdi. Azərbaycan daim qonşuları ilə mehriban münasibətlərin qurulmasını, qarşılıqlı etimadın yaradılmasını, daxili işlərə qarışmamaq və bütün ziddiyyətlərin diplomatik yolla həlli prinsiplərini üstün tutub. Bu gün də bu prinsiplər Azərbaycan xarici siyasətinin əsasını təşkil edir. Ermənistanın işğalçı, riyakar siyasəti fonunda belə Azərbaycan qalib dövlət kimi ilkin olaraq sülhün əldə olunamasını təklif etdi. Bu, yeni reallıqları nəzərə alaraq bölgədə həm siyasi, həm də iqtisadi inkişafı nəzərdə tutan əməkdaşlıq təklifidir. Lakin bu günə qədər Ermənistan tərəfindən bu istiqamətdə real addımlar atılmır. Belə olan halda Azərbaycan beynəlxalq hüququn prinsiplərinə uyğun olaraq lazım olan tədbirləri icra etmək hüququnu özündə saxlayır. Son günlər Ermənistanın artan təhdid ritorikası bir daha onu göstərir ki, Ermənistanın siyasi hakimiyyəti bölgədə birgəyaşayış formulunu qəbul etmək istəmir, sülh sazişini imzalamqda zaman udmaq istəyir.

Müəllifin bütün yazıları - İsrafil KƏRİMOV



Bölməyə aid digər xəbərlər
{sape_links}{sape_article}