İndiki komanda hakimiyyətdən qovula bilər
Tarix: 21-09-2019 11:26 | Bölmə: Seçilmişlər / Siyasət
İndiki komanda hakimiyyətdən qovula bilər

“Ukraynada vəziyyət əvvəllər olduğu kimi qalıb. Əslində isə sular durumlayıb. Baş nazirin iqtisadi proqramını sentyabrın sonunda açıqlayacağı gözlənilir. Proqram açıqlandıqdan sonra konkret çox şeylər aydın olacaq. Donbas məsələsində də sualar durulmayıb. Bir sözlə, indiki mərhələdə hamı “bulanıq suda balıq tutmaqla” məşğuldur”.

Bu sözləri Azərbaycanın Daxili Qoşunlarının sabiq komandanı, hazırda Ukraynada yaşayan Fəhmin Hacıyev Reyting.az-a bu ölkədə hakimiyyət dəyişikliyindən sonra yaranan real durumu şərh edərkən deyib.

Sabiq komandan xatırladıb ki, dövlət başçısı Vladimir Zelenski prezident seçkiləri kampaniyası dövründə korrupsiyaya qarşı müharibə elan edəcəyi vədini verib: “Ancaq hələlik bu sahədə ciddi nəticə əldə edilməyib. Əslində əvvəlcə hüquqi baza yaradılmalı, təşkilati işlər görülməli, sonra konkret addımlar atılmalıdır. Ancaq Poroşenko dövründə maliyyə naziri işləyən şəxs postunu qoruyub saxlaya bilib. Görünür indiki mərhələdə Prezidentə bu cür qərar vermək daha məntiqli görünüb. Ümumiyyətlə, yüksək vəzifələrə çəkilən kadrların çoxu əvvəlki hökumətlərdə ciddi vəzifə tutmuş adamlardır. Elə ölkənin daxili işlər naziri, milliyətcə erməni olan Artsen Abakov da əvvəlki hökumətdə bu vəzifəni tutub”.

Fəhmin Hacıyev əlavə edib ki, Prezident Vladimir Zelenski ölkə çapında ciddi işlər görməyə məcburdur: “Əks təqdirdə millət meydanlarda olacaq. Şəxsi qənaətim belədir ki, Pezidentin 1,5 il zamanı var. Bu müddətə ciddi işlər görülməsə, indiki komandanı hakimiyyətdən qovacaqlar”.

Sonda müsahibimiz qeyd edib ki, Ukrayna geniş mənada Rusiyadan sürətlə uzaqlaşır.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}