Eldar Həsənovun səhhətində ciddi problemlər yaranıb?
Tarix: 13-01-2021 19:02 | Bölmə: Siyasət
Eldar Həsənovun səhhətində ciddi problemlər yaranıb?

44 günlük müharibə xalqın bütün diqqətini Qarabağ döyüşlərinə köklədiyindən cəmiyyətin marağında olan digər ictimai-siyasi hadisələr bu müddətdə faktiki olaraq arxa plana keçmişdi. Belə məsələlərdən biri də Azərbaycanın Serbiyadakı keçmiş səfiri, keçmiş Baş prokuror Eldar Həsənovun həbsidir.

Müharibə bitib və tədricən ölkə mətbuatında Eldar Həsənovla bağlı məlumatlar yer almağa başlayıb. Buna səbəb həm də eyni maddə ilə ittiham olunaraq həbs edilən Xarici İşlər nazirliyi İşlər idarəsinin sabiq müdiri Fərhad Mollazadənin bu günlərdə ev dustaqlığına buraxılması, amma Eldar Həsənovun hələ də həbsdə saxlanmasıdır. İlk baxışda nazirliyə ayrılan dövlət vəsaitini mənimsəmə maddəsi ilə ittiham olunan səlahiyyətli şəxsin əməli daha iri miqyaslıdır, nəinki bir kiçik səfirliyin rəhbərinin. Belə çıxır ki, bütün baş verənlər Eldar Həsənovun həbsinə zəmin yaratmaq üçün olub.

“Azadlıq” qəzeti hakimiyyətin yuxarı dairələrindəki mənbədən əldə etdiyi məlumat əsasında yazır ki, Eldar Həsənovun həbsində onun bir həmyerlisinin çox böyük rolu olub. Mənbə həmyerlinin adını çəkməsə də, qəzet iddia edir ki, son bir ildə həmin “həmyerli” hakimiyyətin yuxarı dairələrinə Eldar Həsənov barəsində yalan-yalnış məlumatlar çatdıraraq onun haqqında mənfi fikir formalaşdırmaqla həbsinə zəmin hazırlayıb. Daha doğrusu, guya E. Həsənovun siyasətlə məşğul olması, müxalifətdə olan şəxslərlə əlaqədə olması və hakimiyyətə gəlmək üçün çalışması barədə informasiyalar çatdırmaqla yanlış fikir formalaşdırmağa nail olub.

Başqa bir məlumata əsasən, 2 fevral 2020-ci ildə Brüsseldə diplomatik missiyanın fəaliyyətinə həsr olunmuş toplantıda Eldar Həsənovun XİN-nin fəaliyyətini sərt şəkildə tənqid etməsi faktının da İlham Əliyevlə qərəzli və yanlış interpresiyada çatdırıldığı deyilir. O da qeyd olunur ki, bütün bunlara baxmayaraq İlham Əliyev uzun müddət Eldar Həsənovun həbs edilməsi barədə tərəddüd edib.

Məlumata görə, E. Həsənovun səhhətində ciddi problemlər yaranıb və o, faktiki həkim nəzarətində saxlanılır.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}