12:10 / 25-06-2022
Sabah yağışlı hava olacaq
Rusiyalı oliqarxlar şəxsi təyyarə və yaxtalarını Türkiyəyə aparır - Fotolar
Tarix: 17-05-2022 12:50 | Bölmə: Siyasət
Rusiyalı oliqarxlar şəxsi təyyarə və yaxtalarını Türkiyəyə aparır

Rusiyanın Ukraynaya təcavüzündən sonra ABŞ və Avropa Birliyinin sanksiyaları ilə üzləşən rusiyalı oliqarxlar problemdən xilas olmağı daşınar əmlaklarını qaçaqmalçılıq yolu ilə təhlükəsiz saydıqları digər ölkələrə keçirməkdə görürlər.

Reyting.az
xəbər verir ki, Türkiyə super yaxtalar və şəxsi təyyarələr üçün ən təhlükəsiz marşruta çevrilib.

Hazırda Türkiyədə 5 rusiyalı oliqarxa məxsus lüks yaxtaların olduğu müəyyənləşib. Həmin yaxtaların bəziləri sanksiyalardan yayınaraq limanda lövbər salır, bəziləri isə Türkiyənin müxtəlif körfəzlərində üzür.

Xatırladaq ki, rusiyalı oliqarxlara məxsus 5 superyaxta Ukraynaya təcavüzün səbəb olduğu Qərbin sanksiyalarından qaçmaq üçün Türkiyənin ərazi sularına daxil olub.



Məlumata görə, Rusiyanın Ukraynaya təcavüzündən sonra ABŞ və Qərbin sanksiyalarına məruz qalan rusiyalı oliqarxlar öz bahalı yaxtalarını və şəxsi təyyarələrini qaçırmaqda davam edirlər. “Marine Traffic” gəmi izləmə saytı xəbər verir ki, Moskvanın Domodedovo hava limanının sahibi Dmitri Kamenşik də 400 milyon dollar dəyəri olan lüks yaxtasını Türkiyəyə gətirib. Yaxtanın “çirkli pulların yuyulması və silah qaçaqmalçılığı” ittihamı ilə ABŞ tərəfindən təhqiqat altında olduğu və aprelin 22-də Dominikan Respublikasını tərk etdiyi bildirilir.

Keçmiş “KQB” əməkdaşı Vladimir Strzhalkovskiyə məxsus 85 milyon dollarlıq “Ragnar” superyaxtası da mayın 6-dan Marmarisdədir.

Norveçin ictimai yayımı NRK xəbər verir ki, təxminən 70 metr uzunluğunda olan yaxta sanksiyalar səbəbindən martın 30-da Norveçi tərk edərək Türkiyəyə üz tutub.

Qərbin sanksiyasından sərvətlərini qaçıranlardan biri də Aleksandr Abramovdur. Putinə yaxın olan və polad istehsalçısı “Evraz”ın ortağı kimi tanınan A. Abramovun super yaxtası “Titan” aprelin 22-də Dubaydan yola düşərək Fəthiyəyə çatıb. Yaxtanın mayın 5-dən etibarən Türkiyə sularında üzdüyü və hazırda Güvercinlik qəsəbəsinə yaxın ərazidə olduğu bildirilir.





Bölməyə aid digər xəbərlər
22-06-2022, 19:33 General həbs edilib

{sape_links}{sape_article}