07:44 / 21-06-2024
KTMT Almatıda toplanır
Türkiyə üçün həlledici gün...
Tarix: 27-05-2023 19:55 | Bölmə: Siyasət
Türkiyə üçün həlledici gün...

Sabah Türkiyədə prezident seçkilərinin ikinci turu keçiriləcək. Seçkidə rəqabət aparan namizədlər bu gün son mesajlarını verir, seçicilər isə sabah seçimini edəcək.

Reyting.az
xatırladır ki, prezident seçkilərinin birinci turunda heç bir namizəd 50+1 səs toplaya bilmədiyi üçün Türkiyə tarixində ilk dəfə prezidenti seçmək üçün ikinci turda səsvermə olacaq.

“Cümhur İttifaqı”nın namizədi Rəcəb Tayyib Ərdoğan ilə “Millət İttifaqı”nın namizədi Kamal Kılıçdaroğlunun yarışacağı seçkilər üçün təşviqat prosesi bu gün başa çatır.

Namizədlər, onları dəstəkləyən ittifaqlar və partiyaların təmsilçiləri saat 18:00-a qədər seçicilərə son mesajlarını çatdırıblar. Son sözü isə sabah seçicilər deyəcək.

Birinci turdan sonra vaxt darlığı səbəbindən təşviqat strategiyalarını dəyişən liderlər ikinci tur üçün təbliğat işlərində mitinqlər əvəzinə əsasən qapalı görüşlərə, müəyyən sosial seqmentlərlə müzakirələrə, sosial media yazılarına və televiziya verilişlərinə diqqət yetiriblər.

Seçici sayına görə seçkinin nəticəsinin müəyyən edilməsində kritik əhəmiyyətə malik olan İstanbul bu gün 27 May çevrilişinin 63-cü ildönümünə şahidlik etdiyi üçün rəqiblərin əsas iş nöqtəsini təşkil edib.

Onu da qeyd edək ki, səhər saat 06.00-dan 24.00-a qədər ölkədə spirtli içkilərin satışı qadağan olunur. Yaşayış məntəqələrində təhlükəsizliyin və asayişin qorunmasına cavabdeh olanlardan başqa heç kim silah daşıya bilməyəcək. Qəhvəxanalar, internet kafelər və bütün ictimai əyləncə yerləri bağlanacaq. Əyləncə məkanlarında ancaq yemək verilə, sabah saat 18.00-dan sonra toy mərasimləri keçirilə bilər.

ELÇİN




Bölməyə aid digər xəbərlər
{sape_links}{sape_article}