Şadlıq sarayında yanğın: yüzdən çox insan ölüb, çoxsaylı yaralı var - (Video) - Yenilənib
Tarix: 27-09-2023 09:31 | Bölmə: Cəmiyyət
Şadlıq sarayında yanğın: yüzdən çox insan ölüb, çoxsaylı yaralı var - (Video)

İraqın Nineva əyalətində toyda yanğın baş verib.

Xarici KİV-lər bildirir ki, hadisə nəticəsində 120 nəfər ölüb, 200 nəfər yaralanıb.

***

İraqın Mosul şəhərindəki şadlıq sarayında baş verən yanğında yüzlərlə insan həyatını itirib, çoxsaylı yaralı var.

Reyting.az
İraqın İNA xəbər agentliyinə istinadla bildirir ki, Mosulun Həmdaniyyə rayonundakı şadlıq sarayında naməlum səbəbdən yanğın baş verib. Səlahiyyətlilər yanğına toy zamanı istifadə edilən atəşfəşanlığın səbəb ola biləcəyindən şübhələnirlər.

Hadisə şahidləri yanğında bəylə gəlinin də öldüyünü iddia edirlər.



Yanğında yaralananların sayının ilk olaraq 150 nəfər olduğu açıqlansa da, qısa zamanda 500 nəfər olduğu açıqlanıb.

Yanğından bir qədər əvvəl çəkilən görüntülər sosial mediada paylaşılıb.

Ətraf əyalətlərdən çoxlu yanğınsöndürmə briqadaları və təcili yardım maşınları yanğın ərazisinə göndərilib. Yerli mətbuatda yer alan xəbərlərə görə, həyatını itirənlər arasında uşaqlar və qocalar da var. Bəylə gəlinin də həyatını itirdiyi deyilsə də, onların taleyi ilə bağlı fərqli açıqlamalar verilir.

2006-cı il təvəllüdlü Hannin Riyaz və 1995-ci il təvəllüdlü İvan İşo Gehke adlı gəlinin yaxınları cütlüyün səhhətinin yaxşı olduğunu bildirib. Yerli mediaya danışan hadisə şahidi Stiv Ankava “Qapının yanındakı masada oturmuşdum. Hər şey iki dəqiqə ərzində baş verdi. Bəy və gəlin içəri girəndə atəşfəşanlıq oldu, daha sonra tavan yana-yana düşməyə başladı. Salonun üç qapısı var idi, giriş, arxa qapı və mətbəxin qapısı. Gəlinin gəlinliyi yandığı üçün onların öldüyü güman edilir. Amma hər ikisinin vəziyyəti yaxşıdır. Qardaşı ilə telefonla danışdım, ikisi də sağ qalıb, evdədir”.



Rudav saytına danışan Mosul Səhiyyə Departamentinin direktor müavini Əhməd Düberdani isə həyatını itirənlər arasında bəylə gəlinin olduğunu deyib. Duberdani hər ikisinin cəsədinin Mosul Adli Tibb İnstitutuna aparıldığını bildirib. Rayonda yaranmış vəziyyətlə əlaqədar indiyə qədər toy sahibləri ilə əlaqə saxlamaq mümkün olmayıb.

Təxminən 800 nəfərin olduğu şadlıq sarayında yanğının atəşfəşanlıq səbəbindən baş verdiyi təxmin edilir. Hadisə şahidləri bildiriblər ki, gəlin və bəy zala daxil olarkən atılan atəşfəşanlıq yanğına səbəb olub.

Digər tərəfdən, şadlıq sarayının sahibinin qardaşı Koni Süleyman yanğının atəşfəşanlıqdan deyil, tavandakı elektrik sistemindən çıxdığını bildirib. Yanğın zamanı qardaşı oğlu və qardaşının da orada olduğunu, hələ də qardaşından xəbər almadıqlarını, ancaq qardaşı oğlunun sağ qaldığını bildirib.



Yanğından sağ çıxan 34 yaşlı qonaq İmad Yohana deyib: “Birdən alovun yüksəldiyini gördük. Çölə qaça bildik, amma bəziləri içəridə qaldı. Çıxmağı bacaranlar da yaralanıb. Yanğının yerli vaxtla saat 22.45 radələrində baş verdi”.

İraq dövlət mediası da istintaqın ilk təfərrüatlarını paylaşıb. Açıqlamada şadlıq sarayının tikinti materiallarının yanmağa yararlı materiallardan ibarət olduğu qeyd edilib və bildirilib ki, “Bu səbəbdən yanğın sürətli olub və bina çökdü”.



İraqın baş naziri Məhəmməd əl-Sudani açıqlama verib: “Daxili işlər naziri və səhiyyə naziri bu xoşagəlməz hadisədən zərər çəkənlərə kömək etmək üçün bütün güclərini bu bölgəyə yönəldiblər”.

Qeyd olunur ki, həyatını itirənlərin sayı arta bilər. Hətta bəzi mənbələr ölü sayının 500 nəfərə çatacağını güman edir. Çünki ağır yaralılar var.

Xristian əhalisinin sıx olduğu bölgə 2014-cü ildən bəri İŞİD-in hücumlarına məruz qalır. İŞİD yaraqlıları 2017-ci ildə bölgədən çıxarılıb. Katolik dünyasının ruhani lideri Papa Fransisk də 2021-ci ilin mart ayında bu bölgəyə səfər edib.



ELÇİN




Bölməyə aid digər xəbərlər
16-07-2024, 12:30 Sabah yağış yağacaq

{sape_links}{sape_article}