12:54 / 24-05-2024
MEDİA müsabiqə elan edib
İran İsrailə hücuma hazırlaşır
Tarix: 12-04-2024 19:33 | Bölmə: Slayd
İran İsrailə hücuma hazırlaşır

İran yaxın 24-48 saat ərzində İsrailə hücum etməyə hazırlaşır. Lakin Tehran son hücum planını hələ təsdiq etməyib.

Reyting.az
xəbər verir ki, belə iddia ilə “The Wall Street Journal” çıxış edib.

Nəşr öz mənbələrinə istinadla bildirir ki, İsrail cənubda və ya şimalda İrandan birbaşa hücuma hazırlaşır. İran rəhbərliyi tərəfindən danışan şəxs isə nəşrə bildirib ki, planlar hələ də müzakirə olunur və yekun qərar hələ qəbul edilməyib.

ABŞ kəşfiyyatı İran və ya onun müttəfiqləri tərəfindən İsrailə hücumun qaçılmaz ola biləcəyinə inanır. Məsələdən xəbəri olan bir ABŞ rəsmisi deyib ki, ABŞ kəşfiyyatının hesabatları İranın bir neçə gün ərzində “ehtimal ki, İsrail torpaqlarına” cavab zərbəsi endirdiyini göstərir.

Xatırladaq ki, aprelin əvvəlində Tehran İsraili onun Dəməşqdəki konsulluğuna hücumda ittiham edib və hücum nəticəsində iranlı generallar öldürülüb. Bu yaxınlarda mediada İranın hərbi cavab hazırlaması ilə bağlı məlumatlar yayılıb. İsrail Müdafiə Qüvvələri hava hücumundan müdafiə bölmələrində xidmət edən ehtiyatda olan hərbçilərin səfərbər olunduğunu elan edib.

E. KAMAL




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}