00:11 / 14-06-2024
Bu gün "Son zəng"dir
Daşqınlar Ermənistanı cənginə alıb - (Yenilənib)
Tarix: 27-05-2024 17:20 | Bölmə: Slayd
Daşqınlar Ermənistanı cənginə alıb - (Yenilənib)

Daşqınlar Ermənistanda ciddi problemlərə səbəb olub. Hətta problemin həllinə xarici diplomatlar da cəlb olunub.

Reyting.az
-ın xarici KİV-ə istinadla verdiyi məlumata görə, Rusiya Xarici İşlər Nazirliyinin nümayəndəsi Mariya Zaxarova bildirib ki, Ermənistandakı Rusiya diplomatları daşqın qurbanlarına kömək etmək üçün yerli hakimiyyət orqanları ilə sıx əlaqə saxlayır.

Onun sözlərinə görə, Rusiya İrəvana xilasetmə və axtarış texnikası ilə kömək edir. “Respublikanın başına gələn təbii fəlakətlə bağlı qardaş erməni xalqına ürəkdən başsağlığı verir, zərərçəkənlərin tezliklə sağalmasını arzulayırıq”,- deyə Zaxarova əlavə edib.

***

Sel nəticəsində Ermənistanda dəmir yolunun 2,5 km-ə yaxın hissəsi zədələnib və bunu bərpa etmək xeyli vaxt aparacaq.

Reyting.az
xəbər verir ki, bunu Ermənistanın ərazi idarəetmə və infrastruktur naziri Qnel Sanosyan Lori və Tavuş vilayətlərində fövqəladə halların idarə olunması üzrə operativ qərargahın iclasında bildirib.

Nazir deyib ki, M6 yoluna da ciddi ziyan dəyib, təxminən 8-9 hissədə avtomobil yolu tamamilə və ya qismən dağılıb: “M4 dövlətlərarası yolun 5 hissəsinə ciddi ziyan dəyib, lakin dünənki işlər nəticəsində yolun zədələnməsinə baxmayaraq, hərəkət təmin edilib. Səhər tezdən Ayrum-Baqrataşen hissəsində hərəkət etmək olar, ciddi dağıntı yoxdur”.

Onun sözlərinə görə, təxliyə edilən vətəndaşlar ya qohumlarının mənzillərində, ya da otellərdə qalırlar.

Xatırladaq ki, son iki gündə Ermənistanın bəzi rayonlarında ciddi daşqınlar və sel müşahidə edilib.

E. KAMAL




Bölməyə aid digər xəbərlər
{sape_links}{sape_article}