15:58 / 12-10-2019
Qarğış edən radikallar
İki Muradın bölə bilmədiyi arpa – Bir açıqlamaya şərh
Tarix: 05-10-2019 18:45 | Bölmə: Slayd
İki Muradın bölə bilmədiyi arpa – Bir açıqlamaya şərh

İndi geniş etirazlar doğurmuş Murad Dadaşovun “Popumuz var” verilişindəki açıqlamaları ilə bağlı ictimai qınama təkcə “Wiki”də şoumen, tanınmış teleaparıcı, prodüser, aktyor, “Bakılı oğlanlar” Şən və Hazırcavablar Klubunun üzvü, “M Group Production” şirkətinin prezidenti, “20-ci əsrin çempionları” titulunun sahiblərindən biri (2000), Azərbaycan Respublikasının Əməkdar (2014) və Xalq artisti (2018) kimi tanıdılan Murad Dadaşova yox, həm də aparıcı Murad Arifə yönəldilməlidir.

Jurnalistikada müəllimimiz olmuş və artıq yaşa dolmuş qəzetçilərdən biri həmişə deyirdi ki, “janrlar arasında ən çətini müsahibədir. Çünki vaxtında müsahibini dayandıra bilib tərs suallar verməli, bəlkə də yalan danışdığını üzünə deməyi bacarmalısan”.

Ustadın haqlı olduğuna bir daha əmin oldum. Odur ki, cənab jurnalist, müğənni, bəstəkar və prodüser, yəni “Popumuz var” verilişinin aparıcısı Murad Arif, sizə müsahibinizin ipini vaxtında yığa bilmədiyiniz üçün yağlı bir “2” düşür.

Arada təkcə jurnalistikada, TV aparıcılıqda deyil, başqa biliklər sahəsində də naşılığınız, xüsusən zəmanəmizdən bixəbərliyiniz üzə çıxır. Məsələn, Murad Dadaşov keçmişin kolxoz quruluşunu misal gətirdikdən sonra xaricdə sərvət sahiblərinə nifrətin olmadığını dedikdə, “Keçid dövründə yaşayırıq”, - söyləyirsiniz.

Doğrudan?

Deyin, mən ölüm...

“Facebook” dostlarımdan biri bu məqama yaxşı toxunub. Şərhini olduğu kimi köçürürəm: İlham Əliyev: “Biz artıq iqtisadi sahədə keçid dövrünü başa vurmuşuq”. (Bakı Dövlət Universitetinin yaradılmasının 90 illik yubileyinə həsr olunmuş təntənəli mərasimdəki çıxışından, 2 noyabr 2009-cu il).

Murad Dadaşova gəlincə, həmin müsahibədə “Neft sənin deyil, dövlətindir” cümləsi ilə müqayisədə, Murad Arifin aparıcılığı toya gediləsidir.

Bu arpa deyil e, neftdir, neft.

Neft mənim, sənin, bizim deyilsə, kimindir?

Yerin təki də, üstü də bizim deyilmi?

Bu dövlətin sahibi biz deyilikmi?

Yadımdadır ki, bir dəfə ARB-də Murad Dadaşov orta məktəbdə həmişə dərslərdən tramvay altında qalmış “3” aldığını demişdi. Amma hər halda BDU-nun psixologiya fakültəsini bitirib, yəni savadsız deyil. Əsas Qanuna, Konstitusiyaya dair bilikləri isə - sıfır.

Bəlkə, Murad Dadaşov xəyalları ilə, ruhən hələ də SSRİ-də qalıb?

“Facebook” dostumun şərhindən xatırlatma: "Azərbaycan xalqının da azadlıq və müstəqillik uğrunda mübarizəsində öz təbii sərvətlərinin sahibi olmaq arzusu əsas məqsədlərdən biri idi. Bu gün iftixar hissi ilə deyə bilərik ki, Azərbaycan xalqı uzun illər boyu ürəyində gəzdirdiyi arzusuna çatmışdır və o, öz təbii sərvətlərinin, o cümlədən neftinin tam sahibidir və ondan necə istifadə edilməsini sərbəst surətdə müəyyən edir"(Heydər Əliyev. "Azərbaycan XXI əsrin və üçüncü minilliyin ayrıcında" adlı müraciəti. 2001).

Bəlkə, Murad Dadaşovun aləmində “dövlət” sözü başqa bir mənanı ifadə edir?

Yoxsa “dövlət” deyə-deyə özünü dövlət hesab edən şəxsləri?

Hm...

Kəsəsi, Murad Arif və Murad Dadaşov, sizi qınamağa da, sizdən küsməyə də haqqımız var.

Sevinc ABBASOVA
Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}