11:26 / 21-10-2019
Ruhani Bkaıya gəlir
Türkiyə ordusu hücum vəziyyətində: PKK-nın kökünü kəsəcəyik – Döyüş başlayır
Tarix: 07-10-2019 12:07 | Bölmə: Slayd
Türkiyə ordusu hücum vəziyyətində: PKK-nın kökünü kəsəcəyik

Türkiyənin Suriyada Fərat çayının şərq hissəsində əməliyyata başlaması artıq an məsələsidir.

Reyting.az
xəbər verir ki, Türkiyənin məqsədi bu ərazilərdə məskunlaşan YPG/PKK/PYD terrorçularının kökünü kəsmək və onların Türkiyəyə uzana biləcək əllərini qırmaqdır. Əməliyyatla bağlı Ankara-Vaşinqton xəttində uzunmüddətli danışıqlar aparılsa da, bir nəticə əldə edilməmişdi. Dünəndən etibarən Türk Ordusu ağır texnikanı Suriya ilə sərhəddə etap edir.

Ehtimal olunan əməliyyatla bağlı son prosesləri təqdim edirik:

Saat 10:10

Fəratın şərq hissəsində terrorçulara qarşı əməliyyatda Türk Silahlı Qüvvələrinin (TSK) yanında yer alacaq Azad Suriya Ordusu (ASO) ağır silahlar və raketlərdən istifadə etməklə hərbi manevrlər və təlimlər keçirib. Bu əməliyyata hazırlıq kimi anlaşılır.

Türkiyə ordusu hücum vəziyyətində: PKK-nın kökünü kəsəcəyik

ASO-nun xüsusi birliklərinin komandiri Seyf Əbubəkir bəyan edir ki, Ankaradan əmr gözləyirlər:

“Təlimata uyğun olaraq Fəratın şərqinə daxil olub PKK/YPG kökünü qazacağıq”.

Saat 09:50

Türkiyə xarici işlər naziri Mövlud Çavuşoğlu Suriya rejimini sakitləşdirmək məqsədilə əməliyyatın məqsədlərinə dair açıqlaması:

“Suriya böhranı başlayandan bu ölkənin ərazi bütövlüyünü dəstəklədik, bundan sonra da dəstəkləməyə davam edəcəyik. Bölgəni terrorçulardan təmizləyərək ölkəmizin təhlükəsizliyini və gələcəyini təmin etməkdə maraqlıyıq. Suriyaya sabitlik, sülh və istiqlalın gəlməsinə töhvə verəcəyik”.

Saat 09:45

Prezident Ərdoğanın Prezident Trampa telefon danışığından sonra açıqlama yayan Ağ-Ev “Türkiyə yaxın zamanda Suriyanın şimalında uzun müddətdir ki, planlaşdırdığı əməliyyat üçün addımlara başlayacaq” deyir. Bu açıqlama ilə əməliyyata ABŞ-ın müdaxilə edilməyəcəyi mesajı verilir. Az sonra Suriyanın şimalından ABŞ hərbçilərinin geri çəkildiyi haqda xəbərlər servis olunur. Yerli mənbələr və YPG terror təşkilatı Suriyanın şimalında mövqe tutan ABŞ hərbçilərinin Rasulyandakı mövqelərindən səkkiz kilometr geri çəkildiyini bildirir.

Türkiyə ordusu hücum vəziyyətində: PKK-nın kökünü kəsəcəyik

Eyni zamanda terror fəaliyyəti ilə Türkiyənin əsəblərini tarıma çəkən “Suriya Demokratik Gücləri” bəyan edir ki, onlar özlərini müdafiə etmək üçün bir an belə dayanmayacaqlar.

Qeyd edək ki, rəsmi Ankara uzun müddətdir ki, Suriya sərhədlərində təhlükəsizlik bölgə qurmaq və buraları terror təşkilatlarından, ələlxüsus PKK,YPG və PYD-dən təmizləm məqsədilə əməliyyat keçirəcəyini elan edirdi. Prezident Ərdoğan ötən həftə parlamentdə çıxışı zamanı əməliyyatın siqnalını vermişdi.

Saat 09:40

Türkiyə prezidentinin sözçüsü İbrahim Qalın:

“Türkiyənin kiminsə torpağında gözü yoxdur. Suriyanın ərazi bütövlüyü çərçivəsində təhlükəsizlik bölgə yaratmağın iki məqsədi var. Terror ünsürlərini təmizləyərək sərhədlərimizi təhlükəsizlik altına almaq və qaçqınları təminatlı şəkildə geriyə qayıdışını təşkil etmək”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}