19:21 / 21-01-2020
Azərbaycan əhalisi artıb
Rusiyanın Dağlıq Qarabağla bağlı gizli planı var?
Tarix: 05-12-2019 15:54 | Bölmə: Slayd
Rusiyanın Dağlıq Qarabağla bağlı gizli planı var?

“Rusiya bölgədə öz təsirini bir az da artırmaq istəyir. Bu baxımdan ən yaxşı vasitə Dağlıq Qarabağ problemi ilə bağlı təmaslardır. Çox güman ki, Rusiyanın Dağlıq Qarabağla bağlı bizim bilmədiyimiz planı var”.

Bu sözləri Reyting.az-a sabiq deputat, Aydınlar Partiyasının sədri Qulamhüseyn Əlibəyli Rusiya xarici işlər naziri Sergey Lavrovun Bakı səfəri, habelə Azərbaycan və Ermənistan xarici işlər nazirlərinin Bratislavada apardığı müzakirələri şərh edərkən deyib.

Q. Əlibəyli ehtimal edir ki, Rusiyanın Dağlıq Qarbağla bağlı bizə məlum olmayan planı ola və bunu addım-addım həyata keçirməyə çalışa bilər: “Məsələn, bizim jurnalistlərin Ermənistan və Dağlıq Qarabağa səfəri, habelə erməni jurnalistlərin Bakı səfəri. Gələcəkdə ola bilsin ki, belə təmasların artırılması nəzərdə tutulur. Və ya başqa formulalara üstünlük verilə bilər”.

Rusiyanın Dağlıq Qarabağla bağlı gizli planı var?
Q. Əlibəyli

Partiya sədri bildirib ki, Rusiya Dağlıq Qarabağ məsələsində tədricən fəallaşır və hansısa planı həyata keçirməyə çalışır: “Bu, birmənalıdır ki, əgər belə bir plan varsa, bizim maraqlarımıza uyğun deyil. Sadəcə, biz bundan xəbərsiz olduğumuz üçün daha ətraflı danışa bilmirik. Amma hər halda bu planın olduğu güman edirlir”.

Əlibəyli əlavə edib ki, münaqişə tərəfi olan iki dövlətin təmasları, danışıqların aparılması normal haldır: “Danışıqların aparılması, müzakirələr təbiidir. Amma biz müşahidə edirik ki, ictimaiyyət nümayəndələri arasında da müəyyən səfərlər olur. İllər əvvəl “Xalq diplomatiyası” adlanan formula var idi, işə düşmüşdü. Sanki indi bu ideya Rusiyanın potronluğu ilə həyata keçirilir. Amma “Xalq diplomatiyası” da son anda problemin həllinə kömək etmir. Əslində problemi ictimaiyyət nümayəndələrindən, jurnalistlərdən, siyasətçilərdən daha çox hökumət həll etməlidir. Bu mənada hökumətin ermənilərlə danışıqlar aparmasına normal yanaşmaq lazımdır. Amma digər təmas da qurmağa çalışırlarsa, çalışsınlar. Şəxsən mən ictimaiyyət nümayəndələrinin təmaslarına müsbət yanaşmıram”.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}