Çinlilərə etirazlar başlayıb: it, pişik, yarasa əti yeməyin! - Fotolar
Tarix: 05-04-2020 00:27 | Bölmə: Slayd
Çinlilərə etirazlar başlayıb: it, pişik, yarasa əti yeməyin!

Koronavirusun ilk olaraq Çində yayılması və sonradan digər ölkələri də ciddi problemlə üzləşdirməsi, çinlilərin yaşam tərzi və qida rasionunu gündəmə gətirərək dünya miqyasında geniş müzakirələrə səbəb olub.

Bəllidir ki, Çində it, pişik, ilan, yarasa və bizə görə, qəbuledilməz olan digər heyvanların əti qida rasionuna daxildir.

Reyting.az xəbər verir ki, çinlilərin yaşam tərzi, qəbul etdikləri qida, bunun dünya üçün yaratdığı təhlükələr beynəlxalq mediada ciddi müzakirə edildiyi bir ərəfədə Çində it ətini müştərilərinə təklif edən restoran sahibinin açıqlamları dünyada birmənalı qarşılanmayıb.

“Honkonq Post”un xəbərinə görə, Sincin koronavirusdan sonra Çində pişik və it ətinin istehsalı ilə yanaşı satışına qadağa tətbiq edən ilk şəhər olub.

Çinlilərə etirazlar başlayıb: it, pişik, yarasa əti yeməyin!

“İt və pişiklər ev heyvanları olaraq insanlarla ünsiyyəti daha yaxşı anlaya bilirlər. İt, pişik və digər ev heyvanı ətlərinin qida kimi qadağan edilməsi inkişaf etmiş ölkələrdə, Honkonq və Tayvanda ciddi bir tətbiqdir”,- Şəhər rəhbəri qadağa ilə bağlı açıqlamasında bəyan edib.

Beləcə, Sincin şəhərində mayın 1-dən etibarən it və pişik əti satılmayacaq. Amma bir restoran sahibinin dediyi sözlər daha geniş müzakirələrə yol açıb.

Restoran sahibi deyib ki, gizli olaraq satıcılardan itlərin balasını alaraq müştərilərinə təqdim edib. İt əti satan və hazır şəkildə müştərilərinə təqdim edən restoran sahibi əlavə edib ki, bəzi it satan və həvəskarlar öz qidaları üçün minlərlə it balası ayırıblar.

Adının çəkilməsini istəməyən restoran sahibi bildirib ki, onun gəldiyi Guangxi və Leizhouda bir çox insan it əti yeyir:

“Guangxidə bəzi insanlar satmaq məqsədilə xüsusi itlər saxlayır. Onları donuz kimi böyüdürlər”.

Restoran sahibi müştəriləri maraqlı şəkildə təsnifatlaşdırıb:

“Bir çox insan bizdən it ətinin olub-olmadığını soruşur. Əgər it əti olmasa oturmurlar. Çünki bura it əti yemək üçün gəlirlər. Amma it əti artıq qadağan edilir. Mən ciddi zərərə düşəcəyimi bilirəm. Bütün hallarda işlərimiz zəifləyəcək. Hesab edirəm ki, restoranımız 30-40 faiz müştəri itirəcək”.

Çinlilərə etirazlar başlayıb: it, pişik, yarasa əti yeməyin!

Eyni bölgədə it əti satan başqa bir restoran sahibi isə deyib ki, qadağanın ardından it əti satmağı dayandıracaq və başqa məhsul satmaq haqqında düşünəcək.

Qeyd edək ki, Çinin Guangxi şəhəri İlin it əti festivalına ev sahibliyi edir.

Xatırladaq ki, it ətinin qadağan edilməsinə dair xəbərlər koronavirusun ilk yayıldığı Uhan şəhərində heyvan bazarının açılması ilə eyni anda ortaya çıxıb. Bu bazarda əsasən toyuq, porsuq, siçan, kirpi və ilan satılır. Ekspertlər isə yarasaların virusun daşıyıcısı olduğunu və bu bazarda digər heyvanlara keçirdiyinə inanır.

Mütəxəssis Piter Li isə deyib ki, bu addım Çində hər il 4 milyon pişik və 10 milyon civarında iti məhv edən vəhşi ticarətə son qoymaq üçün ciddi cəhddir.

Onu da qeyd edək ki, koronavirus səbəbindən Çində 20 minə qədər heyvan bazarının qapadıldığı təxmin edilir. Bu bazarlarda ekzotik heyvanlar və qaçaqmalçılıq yolu ilə ölkəyə gətirilən nəsli tükənməkdə olan canlılar satılır.

Hyuston-Dovntovn Universitetinin Şərqi Asiya siyasəti üzrə mütəxəssisi Peter Li qeyd edib ki, xəstəliyin qarşısını almaq üçün bu təhlükəli heyvanları bazarlara təqdim edən tədarükçülərin şəbəkəsini parçalamaq lazımdır.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}