Ermənistan Rusiyadan üz döndərməyə hazırlaşır - Foto
Tarix: 20-05-2020 17:37 | Bölmə: Slayd
Ermənistan Rusiyadan üz döndərməyə hazırlaşır

“Ermənistanın mövqeyi fərqlidir. Əvvəla, Ermənistan xristian dövlətidir, bu ölkədə siyasi, dini institutlar bizdən əvvəl yaranıb və sistemli şəkildə fəaliyyət göstərib. Ermənistanın inkişaf etmiş böyük ölkələrdə güclü və siyasiləşən lobbi təşkilatı var. Bu lobbinin Ermənistan dövləti ilə sıx əlaqələri mövcuddur və sinxron işləyirlər. Bu o deməkdir ki, Ermənistan dünyada gedən proeslərin içindədir”.

Bunu Reyting.az-a Azad Demokratar Partiyasının sədri, siyasi analitik Sülhəddin Əkbər qlobal geopolitik qarşıdurma və yeni dünya düzəni ərəfəsində Ermənistanın atacağı addımları şərh edərkən deyib.

S. Əkbər hesab edir ki, Ermənistan dünyada gedən prosesləri sıx formada izləyir:

“Onların başqa bir üstünlüyü də demokratik inqilabdan sonra imicinin dəyişməsidir. Bu amil onlara əlavə dividentlər gətirir. Mən ehtimal edirəm ki, Ermənistan düyada gedən tendensiyaya uyğun hərəkət edəcək. Əgər xatırlayırsınızsa, Ermənistanın sabiq prezidenti Sarkisyan 2012-ci ildə Avropa Birliyi ilə assiosativ sazişi imzalamaq istəyirdi. Fikrimcə, Rusiyanın Sarkisyandan əlinin çəkməsinin bir səbəbi də bu amil idi. Məncə, biz bu faktoru da nəzərə almalıyıq”.

Ermənistan Rusiyadan üz döndərməyə hazırlaşır
S. Əkbər

Siyasi analitik hesab edir ki, Ermənistan hansısa bir mərhələdə Rusiyadan qəfil üz döndərəcək: “Yəni Ermənistan dünyada gedən proseslərin məntiqinə uyğun addım atacaq. Rusiya da bunu bilir. Uzağa getmək lazım deyil. SSRİ-nin dağılmasına Ermənistan daha hazırlıqlı idi. Eləcə də Dağlıq Qarabağdakı proseslərə də onlar bizimlə müqayisədə daha hazırlıqlı oldular. Orada müxalif təşkilatlar da bizdən tez yarandı, müstəqilliklərini də bizdən tez elan etdilər. Bunlar inkaredilməz faktlardır. Yəni ermənilər ruslardan üz döndərməyə də hazır olacaqlar. Uzağa getmək lazım deyil, Ukrayna və Belarusa baxın. Belarus artıq Səudiyyə Ərəbistanından, ABŞ-dan neft alır. ABŞ Minskdə səfirliyini açmağa hazırlaşır”.

Dünyada sürətli siyasi proseslərin getdiyini xatırladan S. Əkbər qeyd edib ki, Ermənistanın Rusiyada üz döndərəcəyi gün uzaq gələcəkdə deyil: “Çoxları hesab edir ki, ermənilər Rusiyadan üz döndərsələr tələyə düşəcəklər. Amma nəzərə almaq lazımdır ki, Ermənistan bu prosesdə təkbaşına olmayacaq, o, ABŞ-la birlikdə addım atacaq. Habelə bu mərhələdə ABŞ çalışacaq ki, Ermənistanla Türkiyə arasında dialoq və sərhədlərin açılması məsələsi həllini tapsın. Yəni 2010-cu ildə olduğu kimi, Surix protokollarına bənzər məsələlər ortaya çıxa bilər. Azərbaycan yeni yaranacaq situasiyalara, konfiqurasiyalara hazır olmalı, Türkiyə ilə birlikdə hərəkət etməlidir. Mən istisna etmirəm ki, Rusiyanın bizə qarşı apardığı vəkalət müharibəsində Ermənistanın möveyi dəyişsə belə, Rusiya Qarabağdan əl çəkməyəcək. Bu zaman Qarabağdakı qüvvələrə birbaşa rəhbərlik edəcək. Odur ki, biz gələcək proseslərə hazır olmalıyıq”.

Reyting.az

скачать dle 10.5фильмы бесплатно




Bölməyə aid digər xəbərlər
{sape_links}{sape_article}