18:29 / 09-07-2020
Seulun meri itkin düşüb
Şirin su problemi: üç ölkə arasında müharibə başlaya bilər - Fotolar
Tarix: 27-06-2020 13:03 | Bölmə: Slayd
Şirin su problemi: üç ölkə arasında müharibə başlaya bilər

Dünyada şirin su ehtiyatının elə də çox olmadığı, əksər ölkələrin bundan əziyyət çəkdiyi artıq günümüzün reallığıdır.

Reyting.az
xəbər verir ki, növbəti su mübahisəsi hazırda Misir, Sudan və Efiyopiya arasında baş verir. Bu ölkələr Nil çayı üzərində qurulan “Hedasi” su anbarı məsələsində razılığa gələ bilmirlər.

Misir prezidentinin sözçüsü Bessami Radi bildirib ki, Afrika Birliyinin (AB) təşəbbüsü ilə Misir, Sudan və Efiopiya liderlərinin problemlə bağlı video-konfransı keçirilib. Müzakirələrdə Misir prezidenti Əbdülfəttah Sisi, Sudan Baş naziri Abdullah Hamadoq və Efiopiya Baş naziri Abiy Əhməd iştirak edib. Tərəflər “Hedasi” su anbarı ətrafında müzakirələr aparıb. Üçtərəfli müzakirədə “Hedasi” su anbarı ilə bağlı razılaşma əldə edilmədiyi üçün Misir, Sudan və Efiopiya hökumətlərinin mütəxəssisləri tərəfindən komissiya qurulmasına qərar verilib. Komissiyada AB-nin nümayəndələri və beynəlxalq müşahidəçilər də təmsil olunacaq.

Məlumata görə, üç ölkə razılığa gəlməsə su anbarının tikintisi dayandırılacaq. İki həftə ərzində komissiyanın razılığa gələcəyinə ümid edilir.

Şirin su problemi: üç ölkə arasında müharibə başlaya bilər

Qeyd edək ki, 30 il hakimiyyətdə olan və 2011-ci ildə devrilən Misir lideri Hüsnü Mübarəkdən sonra ölkədə hakimiyyət boşluğu yaranıb. Bundan istifadə edən Efiopiya “Hedasi” su anbarını tikməyə başlayıb. Anbar Mavi Nil suları üzərində - Sudanla Efiopiya sərhəddində inşa edilir. Bundan sonra ölkələr arasında çay sularından istifadə məsələsində anlaşılmazlıq yaranıb. Bir sıra beynəlxalq aktyorlar prosesə müdaxilə etsələr də, sonda üç ölkə arasında razılaşma əldə edilməyib.

Efiopiyanın Nil çayının ana qolu üzərində tikməkdə olduğu “Hedasi” su anbarı ilə bağlı son olaraq Sudanın vasitəçiliyi ilə Misir və Efiopiya arasında bir həftə müzakirələr aparılıb. Amma tərəflər arasında razılıq əldə edilməyib. İyunun 19-da isə problemlə bağlı Qahirə BMT Təhlükəsizlik Şurasına müraciət edərək problemin ədalətli həlli üçün dəstək istəyib. BMT isə iyunun 21-də Misir, Sudan və Efiopiya arasında olan problemin dialoq vasitəsilə həllini istəyib.

Efiopiya iyunun 22-də bəyan edib ki, su anbarının tikintisinin 74 faizi başa çatdırılıb.

İyunun 23-də Ərəb Birliyi də problemin həlli üçün toplanıb.

Efiopiya bəyan edib ki, əgər ortaq razılaşma əldə edilməsə iyulda “Hedasi” anbarı ilə bağlı ciddi addımlar atacaq.

Bir çox mütəxəssislər isə adıçəkilən üç ölkə arasında anlaşma olmayacağı təqdirdə müharibənin alternativ variant kimi ortaya çıxa biləcəyindən narahatdır.

Şirin su problemi: üç ölkə arasında müharibə başlaya bilər

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}