Öldürülən casus... - Ona görə Baş nazir ağlayıb, dövlət katibi prezidentdən xahiş edib - Foto
Tarix: 30-06-2020 18:37 | Bölmə: Slayd
Öldürülən casus... - Ona görə Baş nazir ağlayıb, dövlət katibi prezidentdən xahiş edib

Dünyada yüzlərlə casusu işlədiyi dövlətlər qiymətləndirdiyi halda, əleyhinə olduğu dövlətlər edam edib. Bu konteksdə bir zamanlar İsrail kəşfiyyat xidmətinin (Mossad) Misirin mərhum prezidenti Ənvər Sadatın yanında yerləşdirmək istədiyi Heba Səlimin də həyatı maraqlıdır.

Mossad Misirin o zamankı prezidenti Ənvər Sadatın İsraillə anlaşmasından sonra atacağı addımları müəyyən etmək istəyib. Bu səbəbdən də öz casusu Heba Səlim vasitəsilə Misir zabitini başdan çıxarıb məxfi bilgiləri öyrənməyə çalışıb. Kəşfiyyatın məqsədi Misirin Yom Kuppur müharibəsində İsrailə məğlubiyyətinə təmin etmək olub.

Reyting.az Misirdə doğulub öz dövlətinin əleyhinə İsrailə casusluq edən Heba Səlimin dosyesini təqdim edir.

Keçmişi haqqında müfəssəl məlumat olmayan Heba Səlimin Qahirədə doğulduğu və burada Ain Şəms Universitetində fransızca oxuduğu deyilir.

Mühafizəkar yaşam atmosferində böyüyən Heba Səlim Prisdəki Sarbona Universitetində təhsil alır. Misir Kəşfiyyat Xidmətində işləyən geneal Rifat Osman Qabrielə görə, Səlim Sarbonada oxuduğu illərdə polşalı yəhudi qadının evində keçirilən partiyə dəvət alır və burada ilk dəfə Mossad əməkdaşı ilə ünsiyyətə girir. Bu evdə Səlim yəhudi dostlarına müharibəyə nifrət etdiyini və bölgədə sülhün hakim olmasını arzuladığını bildirir. O, bir başqa ziyarətində isə demokratik şəkildə idarə olunan İsrailin modern şəhər həyatı haqqında videonu izləyir. Fransız və yəhudi gənclərlə görüşlərini sıxlaşdıran Heba Səlim sonda Mossada işləyərək İsrailə xidmət etmək qərarı verir.

Mossad agenti ilə söhbəti əsnasında Səlim polkovnik Fauk əl-Feki ilə tanışlığından bəhs edər, xanım polkovnikin ona dəlicəsinə aşiq olduğunu bildirir. Daha sonra Səlimin nişanlısı olacaq əl-Feki də qısa müddətdən sonra Mossad tərəfindən işə qəbul edilir. Cütlük bundan sonra birlikdə işləyəcək və Misirin hərbi sirlərinin İsrailə axınını təşkil edəcəklər.

Cütlük Misirin Maadi şəhərində yerləşir. Səlim nişanlısı Fauk əl-Fekiyə görünməz mürəkkəblə məktub yazmağı öyrədir.

Paris üzərindən həyata keçirilən yazışmalar zamanı əl-Feki raket rampalarının yerini göstərən xəritə və sənədləri bölüşür, habelə SSRİ-dən gələn yeni raket sistemlərinin əhəmiyyətini vurğulayır.

Yom Kuppur savaşında Heba Səlimin əldə etdiyi məxfi kəşfiyyat bilgiləri sayəsində İsrail Misir ordusuna böyük itkilər yaşada bilir. Üstəlik, Misirin raket bazaları bir-bir bombalanır. İsrailin bu zərbələrdə buraxdığı qüsurlar səbəbindən Misir tərəfi öz daxilində casusların ola biləcəyindən şübhələnir.

General Rifat Osman Qabriel bu casusların ifşa edilməsinin asan olmadığını bildirir. Üstəlik, İsrailə informasiya ötürənlərin orduda rəis heyətindən tutmuş bütün ordunun hərbi əməliyyatlarına dair toplantılarına qatılanların arasında ola biləcəyini ehtimal edir.

Öldürülən casus... - Ona görə Baş nazir ağlayıb, dövlət katibi prezidentdən xahiş edib

İlk olaraq el-Fekinin görünməz mürəkkəblə yolladığı məktublar ifşa olunur və polkovnik saxlanılır. Dindirmə zamanı polkovnik onu Mossadın əmri ilə Heba Səlimin işə götürdüyünü bildirir.

Misir prezidenti Ənvər Sadat Səlimin dərhal tutularaq edam olunmasını əmr edir. Prezidentin fikrincə, Səlimin bu xəyanəti ortaya çıxarılmasaydı Misir ordusu müharibənin ilk dövrlərində İsrail tərəfindən ölümcül zərbələrə məruz qala bilərdi.

General Rifat Osman dərhal Liviya hökuməti ilə əlaqə saxlayır.

Heba Səlimin atası Tripolidəki xəstəxanada müalicə edilirmiş. Heba Səlim atasının ziyarətinə gəlir və dərhal həbs edilərək Qahirəyə aparılır. Qahirəyə gətirilərkən Heba Səlim yolda əsəb gərginliyi keçirir.

Heba Səlim beynəlxalq qurumlar tərəfindən Misir dövlət başçısı Ənvər Sadata müraciət olunacağını, prezidentə əfv üçün müraciət edəcəyini, habelə Sadatın xanımı Cahan Sadata Qadınlar Şurası vasitəsilə məktub yazacağını bildirir.

Həbsdə olduğu dövrdə Heba Səlim qəribə davranışları ilə diqqəti çəkir. Şahidlərin dediyinə görə, həbsdə bəzək işlərinə diqqət edən H. Səlim pariklər taxır, Parisdən gələn ətirlərinin isə sayı-hesabı bilinmir. Casus hər an azadlığa çıxacağından əmin olur.

ABŞ-ın o zamankı dövlət katibi Henry Kissincer Misir prezidenti Ənvər Sadatdan Heba Səlim və el-Fekini əfv etməsini istəyir. Amma ABŞ baş diplomatının bu xahişi rədd edilir.

Az sonra polkovnik el-Feki gülələnərək öldürülür. Mossad üçün xüsusi əhəmiyyətli məlumatlar ötürən Heba Səlim isə dar ağacına çıxarılaraq edam olunur.

Həmin vaxt İsrailin Baş naziri olan Kolda Meirin Heba Səlimin ölümü haqda xəbəri alanda ağladığı söylənilir.

Heba Səlimin fəaliyyəti sonralar filmlərə səhnə olur.

“Uçuruma dırmanmaq” filmində kəşfiyyat əməkdaşları Tripoli hava limanında təyyarəyə mindirdikləri Heba Səlimə “Və bura Misirdir, bacı”,- deyərək ona Misir pramidaları və Nil çayını göstərərkən dediyi sözlər uzun illər bu ölkədə ən populyarlıq qazanıb.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}