Erməni təcavüzü: Azərbaycanı Kollektiv Təhlükəsizlik Müqaviləsi Təşkilatı ilə üz-üz qoymaq istəyirlər - Foto
Tarix: 13-07-2020 12:10 | Bölmə: Slayd
Erməni təcavüzü: Azərbaycanı Kollektiv Təhlükəsizlik Müqaviləsi Təşkilatı ilə üz-üz qoymaq istəyirlər

İyulun 12-də günorta saatlarından başlayaraq Ermənistan silahlı qüvvələri Azərbaycan-Ermənistan dövlət sərhədinin Tovuz rayonu ərazisində atəşkəs rejimini kobud şəkildə pozub. Bu dəfə erməni təxribatının işğaldakı Qarabağ ərazisində (təmas xəttində) deyil, hücumla müşaiyət olunan formada dövlət sərhədində törədilməsi isə birmənalı qarşılanmır.

Hərbçi ekspert Azad İsazadə baş verən silahlı qarşıdurmanı şərh edərkən Reyting.az-a deyib ki, ola bilsin, Ermənistan ordusu Tovuz istiqamətində təxribat yaradaraq Azərbaycanı əməliyyatlara cəlb etməkdə məqsədi Kollektiv Təhlükəsizlik Müqaviləsi Təşkilatını (KTMT) ölkəmizə qarşı hərəkətə gətirməkdir.

Hərbçi ekspert əlavə edib ki, Ermənistanın bütün səylərinə, hətta belə bir ciddi niyyətinin olduğu təqdirə Kollektiv Təhlükəsizlik Müqaviləsi Təşkilatı indiki halda bu prosesə qoşulmayacaq. Onun sözlərinə görə, bu hərbi alyansda iştirak edən Belarus və Qazaxıstan Azərbaycana qarşı proseslərdə birmənalı şəkildə iştirak etməyəcək: “Deməli, bircə Rusiya qoşula bilər. Amma Rusiya tərəfi də Nikol Paşinyana görə bu prosesə qoşulmaz”.

A. İsazadənin fikrincə, bəlkə də, erməni hərbçilərinin törətdiyi təxribatın bir niyyəti də odur ki, Paşinyan ruslardan kömək istəsin və beləcə, Rusiyanın siyasi xəttinə qayıtsın.

Erməni təcavüzü: Azərbaycanı Kollektiv Təhlükəsizlik Müqaviləsi Təşkilatı ilə üz-üz qoymaq istəyirlər
A. İsazadə

Mütəxəssis, Ermənistan ordusunun Tovuz istiqamətində həyata keçirdiyi təxribata Qarabağ cəbhəsində cavab verilməsinin lazım olduğuna dair səsləndirilən fikirləri də şərh edib: “Konkret bu vəziyyətdə Tovuz istiqamətində bizə atəş açan erməni mövqeləri susdurulmalıdır və Azərbaycan öz mövqeyini möhkəmlətməlidir”.

A. İsazadə deyib ki, Qarabağdakı vəziyyət Tovuzda və ya Gədəbəydəki mövqelərimizdən asılı olmayaraq həll edilməli, biz buna hazır olmalıyıq:

“Ermənilər Tovuza top atəşi açırsa, bunun əvəzi olaraq Qarabağda savaşa başlamağımız düzgün deyil. Çünki Qarabağ üçün səbəbi nə Tovuzda, nə də Naxçıvanda axtarmalı deyilik. Yəni Qarabağı azad etmək üçün bizə səbəb lazım deyil, səbəblərimiz var. Deməli, biz hansısa təxribatları gözləməyə də bilərik. Sadəcə, hansısa əməliyyatlar hazırlanmalıdır. Ola bilsin ki, xəritə üzərində bir neçə əməliyyat variantları artıq hazırdır. Məqam yarandıqda bu variantlardan istifadə etməliyik”.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}