Müsavat Rusiya səfirliyi qarşısında aksiya keçirmək istəyir
Tarix: 04-07-2025 18:25 | Bölmə: Siyasət
Müsavat Rusiya səfirliyi qarşısında aksiya keçirmək istəyir

Bakı Şəhər İcra Hakimiyyəti (BŞİH) Müsavat Partiyasının iyulun 8-də Rusiyanın Azərbaycandakı səfirliyinin binası qarşısında piket keçirməklə bağlı müraciətinə cavab verib.

Reyting.az
bildirir ki, BŞİH mitinqin keçirilməsini məqsədəuyğun saymayıb.

Qeyd edilib ki, 27 iyun 2025-ci il tarixində Rusiya Federasiyasının Yekaterinburq şəhərində Rusiya hüquq-mühafizə orqanları tərəfindən azərbaycanlılara qarşı həyata keçirilən qanunazidd və zorakılıq əməlləri ilə bağlı Azərbaycan Respublikası tərəfindən Rusiya tərəfinə rəsmi etiraz bildirilib, bu istiqamətdə müvafiq addımlar atılıb. Bildirilib ki, qeyd olunanı, həmçinin "Sərbəst toplaşmaq azadlığı haqqında" Azərbaycan Respublikası Qanununun 7-ci maddəsinin I hissəsini nəzərə alaraq, 08 iyul 2025-ci il tarixində Rusiya Federasiyasının Azərbaycan Respublikasındakı Səfirliyinin inzibati binası qarşısında piketin keçirilməsi məqsədəuyğun hesab edilmir.




Bölməyə aid digər xəbərlər