Elçin Şıxlı: “Ehtimal edirəm ki, “F-16” mesajı şimal və cənub qonşularımıza istiqamətlənib”
Tarix: 26-10-2020 16:12 | Bölmə: Slayd
Elçin Şıxlı: “Ehtimal edirəm ki, “F-16” mesajı şimal və cənub qonşularımıza istiqamətlənib”

“Mesajın kimə istiqamətləndiyini təxmin etmək mümkündür. Cənab Ali Baş Komandanın əvəzinə ünvan göstərmək düzgün olmazdı. Ancaq mənim şəxsi düşüncəm budur ki, belə mesaj cənub və şimal qonşularımıza istiqamətlənib”.

Bu sözləri Reyting.az-a siyasi şərhçi Elçin Şıxlı Azərbaycan prezidenti İlham Əliyevin xalqa müraciəti zamanı qardaş Türkiyənin ölkəmizdə olan “F-16” qırıcı təyyarələri ilə bağlı fikrini şərh edərkən deyib.

Qeyd edək ki, prezident İlham Əliyev bu gün xalqa müraciəti zamanı “hər kəs “F-16” qırıcılarının yerdə olduğunu, havaya qalxmadığını bilir. Hər kəs bilir ki, yerdədir və təlimlər üçün gəlib. Müharibə başlayandan qalıb. Türkiyə, qardaşlarımız onu mənəvi dəstək üçün saxlayıblar. Bir də ki, əgər bizə qarşı kənardan aqressiya olarsa, “F-16”ları görəcəklər”,- deyib.

Elçin Şıxlı isə hesab edir ki, 27 ildir Azərbaycanın cənub hissəsində 130 kilometrlik sərhəd işğalçı ermənilərin nəzarətində olub: “Biz bu sərhədlərə nəzarətimizi yenicə bərpa etmişik. Son 27 ildə İranın bu sərhədlərə görə tükü belə tərpənməyib ki, sərhədə işğalçılar nəzarət edir... Amma indi birdən-birə sərhədə qoşun yığıb təlim keçir”.

Siyasi şərhçi daha sonra əlavə edib: “Eyni zamanda bizi “F-16”larla təhdid edən Rusiyanın bəzi media quruluşları, jurnalistləri olub. Rəsmilər də ara-sıra nələrsə söyləyirdilər. Bu, 2-3 həftə əvvəl müşahidə edilmişdi. Guya Suriyadan terrorçular gətirilib və s. Açıq ad deməsələr də, aydındır ki, bizi nəzərdə tuturdular. Mən ehtimal edirəm ki, üçüncü qüvvə dedikdə, əsasən bizə yaxın olan böyük ölkələr nəzərdə tutulur. Amma bunun nə dərəcədə konkret olduğunu prezidentin özü gözəl bilir. Həm də belə şeyləri rəsmi qayda da açıq demək doğru olmazdı. Çünki biz uzun illər bu coğrafiyada sərhəd qonşuları olaraq yaşamağa davam edəcəyik. Odur ki, diplomatiyada bağları sökmək olmaz. Sadəcə, qeyd edirik ki, bizim də arxamızda dayanacaq, bizə qahmar çıxacaq Türkiyə var”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}