Daha bir neçə ölkə parlamentinin Azərbaycanla bağlı ədalətsiz qərar verməsi mümkündür
Tarix: 27-11-2020 15:08 | Bölmə: Slayd
Daha bir neçə ölkə parlamentinin Azərbaycanla bağlı ədalətsiz qərar verməsi mümkündür

“Fransa Senatından sonra bir sıra ölkələr də qondarma “Dağlıq Qarabağ Respublikası”nın tanınması üçün addımlar ata bilər. Əlbəttə, parlamentlərin belə qərarları müstəqilliyi tanımaq mənasını vermir. Heç müstəqilliyi tanımaq da parlamentlərin funksiyası deyil. Parlamentlər adətən hökumətlərə müraciət edir ki, hansısa bir addım atılsın. Biz bunu Fransa nümunəsində də gördük”.

Bu fikirləri Reyting.az-a Real Partiyasının sədr müavini Natiq Cəfərli deyib.

N. Cəfərli ehtimal edir ki, bir sıra ölkələrin parlamentləri Fransa Senatının atdığı addımı təkrarlaya bilər: “Təəssüf yaradan belə halların Avropa ölkələrində də baş verməsi mümkündür. Belçikada bununla bağlı müəyyən müzakirələr gedir. Eləcədə Latın Amerikası ölkələrində də belə hallar yaşana bilər. Hansı ki erməni lobbisinin bu ölkələrdə kifayət qədər gücü var. Argentina, Boliviya və digər buna bənzər ölkələrdə də həmçinin. Asiya ölkələrində də mümkündür. Mən hesab edirəm ki, biz buna hazırlıqlı olmalıyıq”.


N. Cəfərli

Bununla belə, N. Cəfərli deyir ki, Fransa hökumətinin dünən və bu gün atdığı addımlar digər ölkələr üçün də örnək ola bilər: “Bizim üstünlüyümüz ondadır ki, Azərbaycan regionun açar dövlətidir. Gələcəkdə iqtisadi fürsətlərin bu bölgədə yayılmasının imkan və perspektivləri daha çoxdur. Hətta İranla Qərbin münasibətlərinin düzəlməsi fonunda Azərbaycanın əhəmiyyəti qat-qat artır. Yəni Azərbaycan üzərindən bir sıra şirkətlər və dövlətlər İranla ticarət, yatırım münasibətləri qurmağa çalışacaqlar. Biz, bu üstünlüklərdən istifadə etməliyik. Digər ölkələrdə Fransa Senatının addımlarının təkrarlanma təhlükəsi yarandıqda həmin ölkələrin biznesimenlərini - hansı ki, onların siyasətçilər üzərində təsir imkanları var - özümüzün lobbi qrupumuza çevirə bilərik. Bu mənada kompleksə düşməyə ehtiyac yoxdur”.

Sədr müavini sonda təəssüflə qeyd edib ki, bir sıra ölkələrdə Azərbaycana qarşı həm ölkə konstitusiyasına, həm də beynəlxalq qanunlara zidd qərarların verilmə ehtimalı var. Amma bu o demək deyil ki, Azərbaycan həmin ölkələrlə əlaqələri dayandırmalıdır. Əksinə, həmin ölkələrdə təsir imkanlarını genişləndirmək haqqında düşünməlidir.

Reyting.az




Bölməyə aid digər xəbərlər
bütün xəbərlər
{sape_links}{sape_article}