Çinin nüvə başlıqlı raketləri ABŞ-a təhlükə yaradıb
Tarix: 03-05-2021 11:43 | Bölmə: Slayd
Çinin nüvə başlıqlı raketləri ABŞ-a təhlükə yaradıb

Çin Xalq Qurtuluş Ordusunun Hərbi Dəniz Donanmasının yeni strateji nüvə sualtı qayığı ABŞ-da istənilən hədəfi əhatə edə biləcək strateji raket daşımaq qabiliyyətinə malikdir.

Reyting.az
Çinin “South China Morning Post” qəzetinə istinadla xəbər verir ki, hərbi mənbələr belə bir nüvə strateji sualtı qayığının olmasını ABŞ üçün ciddi təhdid hesab edirlər.

Söhbət aprelin 30-də Çin Xalq Qurtuluş Ordusu donanmasının 71-ci ildönümünü qeyd etmək üçün təqdim olunan “094A Jin” model sualtı qayıq layihəsindən gedir. Bu gəmilər uçuş məsafəsi 10 min kilometri aşan və bəzi təxminlərə görə, 12 min kilometrə çatan ən son “JL-3” qatı itələyici qitələrarası raketlər daşıya bilir.

Mütəxəssis deyib ki, “094A” sualtı qayıq “094” tipli sualtı qayığın modernləşdirilmiş versiyasıdır: “Yarandığı müddətdə hidrokinetik və turbulents sistemlərinin təkmilləşdirilməsi ilə səs-küylə bağlı əsas problemlərdən birini həll etmək mümkün olub. Bu, qayığa daha güclü “JL-3” raketi daşımaq imkanı yaradıb”.



Hərbi mütəxəssis əlavə edib ki, modernləşdirmədən əvvəl belə tip sualtı qayıq ABŞ-ın şimal-şərq hissəsindəki hədəfləri vura bilən daha az gücə malik “JL-2” raketi ilə silahlandırılmışdı.

Hərbçinin fikrincə, “JL-3” raketi sələfi kimi çoxsaylı nüvə başlığı daşımaq imkanına sahibdir.

Hazırda Çin Xalq Qutuluş Ordusunun donanmasında müxtəlif modifikasiyalardan olan altı “Project 094” sualtı qayıq var. Nisbətən köhnəlmiş “092” model gəmirlərin əvəzinə bu tip daha iki raket sualtı qayıq qurmaq planlaşdırılır.

Qəzet yazır ki, Çinin yeni nəsil “Procejt 096” sualtı qayıqların istehsalına başlamaq planları var. Bu sualtı qayıqların donanmanın arsenalına daxil edilməsi qısa müddətdə baş verəcək. 2020-ci ilin ortalarından etibarən aparıcı sualtı qayıq sayılan “094A JL-3” raketləri ilə silahlandırılıb.

Reyting.az




Bölməyə aid digər xəbərlər
bütün xəbərlər
{sape_links}{sape_article}