ABŞ xüsusi əməliyyat keçirib: minlərlə Rusiya raketi və Çin silahı müsadirə olunub - Video
Tarix: 10-05-2021 13:59 | Bölmə: Slayd
ABŞ xüsusi əməliyyat keçirib: minlərlə Rusiya raketi və Çin silahı müsadirə olunub

ABŞ Hərbi Dəniz Donanmasının 5-ci filosu Oman dənizində xüsusi əməliyyat keçirib. Əməliyyat nəticəsində qeyri-qanuni silah tədarükünün qarşısı alınıb.

Reyting.az
xəbər verir ki, ABŞ donanmasının Oman dənizindəki hərbçiləri dənizin beynəlxalq sularında keçirdiyi əməliyyatla qanunsuz silah daşınmasına mane ola biliblər.

ABŞ donanması bəyan edib ki, 5-ci filoya aid olan hərbi gəmilər - USS “Monterey” (CG 61) 6-7 may tarixlərində Oman dənizinin şimalındakı beynəlxalq sularda bayraqsız üzən ərəb gəmisini müsadirə edib.



Müsadirə olunan gəminin silah qaçaqmalçılığı həyata keçirdiyini bəyan edən Amerika donanması bildirib ki, saxlanılan gəmidəki silahlar arasında Rusiya istehsalı olan tank əleyhinə raketlər, Çində istehsal edilmiş minlərlə “Tip-56” hücum tüfəngləri, yüzlərlə PKM model pulemyot və snayperlər, habelə RPG model qranatomyotları var.

Müsadirə olunan silahların əsl qaynağı və çatdırılacağı yer araşdırılır.

Bəyanatda bildirilir ki, bütün mallar müsadirə edildikdən sonra gəminin dənizdə üzmək üçün yararlılığı yoxlanılıb, habelə sorğu-sual aparılmazdan əvvəl gəmi heyəti yemək və su ilə təmin olunub.



Reyting.az




Bölməyə aid digər xəbərlər
bütün xəbərlər
{sape_links}{sape_article}