17:38 / 28-03-2024
Əməkdar artist vəfat edib
ABŞ Qarabağla bağlı əsassız tələblər irəli sürür - Deputat
Tarix: 23-09-2021 12:58 | Bölmə: Slayd
ABŞ Qarabağla bağlı əsassız tələblər irəli sürür
Xankəndi şəhəri

“Qarabağ münaqişəsi 2020-ci ilin noyabr ayının 10-da imzalanan üçtərəfli razılaşma ilə başa çatıb, Ermənistan bu sənədi imzalamaqla məğlub olduğunu ifadə edib. İndi ABŞ-da kimlərinsə fəallaşması, Qarabağ məsələsini gündəmə gətirmək cəhdləri, status haqqında fikirlər, Konqresdə dinləmələr, ABŞ mediasında Azərbaycana qarşı qarayaxmalar tamamilə əsassızdır. Bu, ABŞ-ın Azərbaycan dövlətinə və xalqına qarşı yeni kampaniyasıdır. Onlar 30 il müddətində Qarabağ məsələsində susublar, Azərbaycan öz ərazilərini işğaldan azad etdikdən sonra isə fəallaşmağa başlayıblar. Bu, Ermənistanın beynəlxalq hüquqa zidd olan mövqeyinə dəstəkdir”.

Bu sözləri Reyting.az-a deputat Elman Məmmədov son günlər ABŞ-ın müxtəlif dairələrində və mətbuatında Azərbaycana qarşı başlanan kampaniyadan danışarkən deyib.

Deputat qeyd edib ki, ABŞ-ın fəallaşması, Azərbaycanı hədəfə götürməsi bu ölkənin Cənubi Qafqazda oyundankənar vəziyyətdə qalmasından qaynaqlanır. Onun sözlərinə görə, regionda Rusiyanın həlledici vasitəçi səsinə malik olması ABŞ-ın xoşuna gəlmir: “Hesab edirəm ki, ABŞ-da başlanan kampaniyanın bir səbəbi də budur. Ancaq ABŞ hansısa səbəbdən Rusiyanı deyil, Azərbaycanı hədəfə alır.

İkincisi, ABŞ-da güclü erməni təşkilat və cəmiyyətləri var. Bunların da ABŞ Konqresinə, Senatına və ABŞ siyasətinə təsirləri mövcuddur.

Tarixçilər daha yaxşı bilirlər ki, ilk dəfə erməni məsələsini ABŞ ortaya atıb. 1988-ci il ərəfəsində Con Kerri başda olmaqla bir qrup konqresmen SSRİ rəhbəliyinə məktub göndərərək Dağlıq Qarabağla bağlı təzyiqlər edirdilər. Yəni ABŞ-ın ermənipərəstliyi tarixən məlumdur. Ola bilsin ki, ABŞ yenidən erməni məsələsindən sui-istifadə edərək regionda itən nüfuz və mövqelərini bərpa etmək istəyir”.

Deputat xatırladıb ki, ABŞ və Azərbaycan arasında enerji ehtiyatlarına dair müqavilələr, əlaqələr var: “Ermənistan dünyada görülən təhlükəsizlik məsələlərinə hansı töhvə verir ki, ABŞ-ın belə sevimlisinə çevrilib? Ermənistan işğalçıdır, terrorçudur, narkotranzit yol rolunu oynayır və s. Əgər ABŞ özünü dünyaya insan haqlarını qoruyan, demokratik dövlət kimi təqdim edirsə, bu, onların indi Azərbaycana qarşı olan mövqeyi ilə ziddiyyət təşkil edir. Torpaqları 30 il işğal altında qalan dövlət öz ordusu hesabına ərazilərini işğalçılardan təmizləyib. ABŞ da belə bir dövlətə qarşı çıxır, onu əsassız olaraq tənqid edir. Bəs ABŞ kimi qoruyur? Təbii ki, Ermənistanın simasında işğalçını, terrorçunu, soyqrım törədən dövləti. Bu halda biz ABŞ-ı insan hüquqlarını, demokratiyanı müdafiə edən dövlət kimi qəbul edə bilərikmi? Yox. Deməli, belə fikir yaranır ki, ABŞ əməldə bir, sözdə başqa cürdür. Yəni saxtakardır, riyakardır, yalançıdır!”.

E. Məmmədov əlavə edib ki, ABŞ-ın son 30 ildə susqunluq nümayiş etdirməsi, Minsk Qrupu çərçivəsində fəallıq göstərməməsi, beynəlxalq hüququ, insan haqlarını müdafiə etməməsi və Azərbaycan öz ərazilərini işğaldan azad etdikdən sonra ermənipərəst mövqe tutub fəallaşması riyakarlıq nümunəsidir: “Belə çıxır ki, onlar ədalətin, haqqın yanında deyil, işğalçı və terrorçunun yanındadır. Təəssüflər olsun!

Baxın, bu gün Ermənistanda 1,5 milyon erməni belə yaşamır, cırtdan dövlətdir. ABŞ-dan soruşmaq lazımdır ki, bu cırtdan dövlətdə sənin 2 mindən çox vətəndaşın var. Xeyirdirmi?

ABŞ İrana sanksiya tətbiq edir, başqa ölkələrə İranla ticarəti yasaqlayır. Amma Ermənistanın ən sıx ticarət əlaqəsi İranladır. Ermənistana bunu niyə qadağan etmirlər? ABŞ-ın qərəzli mövqeyi burada da ortaya çıxır. Biz bu qərəzli və haqsız mövqeləri, hücumları 30 ildir görmüşük. Bu da növbəti çirkin kampaniyalardan biridir. Bunun da qarşısını ləyaqətlə alacağıq”.

Reyting.az




Bölməyə aid digər xəbərlər
{sape_links}{sape_article}