08:23 / 21-10-2021
Azad Zəngilan - Fotolar
Qarabağdakı separatçılara qarşı anti-terror əməliyyatı başlaya bilər - Deputat
Tarix: 13-10-2021 14:43 | Bölmə: Slayd
Qarabağdakı separatçılara qarşı anti-terror əməliyyatı başlaya bilər

“Nikol Paşinyan-Vladimir Putin görüşü haqqında oxudum. Paşinyan Putinə deyib ki, Qarabağ məsələsi hələ öz həllini tapmayıb. Putin də cavabında bildirib ki, qarşıda duran əsas məsələ bölgədə sülh və sabitliyi qoruyub saxlamaqdır. Bu sözlərin arxasında nə durur? Bunun açıqlaması odur ki, bünövrəsi 30 il əvvəl qoyulan separatçı cinayətkar qurum bizim ərazimizdə hələ də fəaliyyət göstərir. Biri deyir, mən nazirəm, digəri özünü nazir müavini elan edir və s. Əlbəttə, ərazimizdə separatçıların olması tərəfimizdən qəbul edilə bilməz”.

Bunu Reyting.az-a Milli Məclisin üzvü Elman Məmmədov Moskvada baş tutan Putin-Paşinyan görüşünü şərh edərkən deyib.

“Rusiyanın ərazisində belə separatçı qurum olsa, Moskva buna dözərmi? Təbii ki, yox”,- deyən E. Məmmədov sual verir ki, bu halda biz niyə ərazimizdəki separatçılara dözməliyik?

E. Məmmədov qeyd edib ki, Rusiyanın bölgəyə göndərdiyi sülhməramlı qüvvə əslində Xankəndi şəhərindəki separatçıların mövcud olmasına və yaşamasına şərait yaradır: “Bu gün Xankəndinin mərkəzində separatçıların əski parçası dalğalanır, guya orduları, strukturları var. Axı belə şəraitdə regionda dayanıqlı sülhdən danışmaq olmaz, Azərbaycan buna heç vaxt dözməyəcək. Artıq müharibədən az qala bir il keçir və Rusiya bu müddətdə üzərinə götürdüyü öhdəliyi yerinə yetirmir. Nədir bu öhdəlik? 10 noyabr 2020 və 11 yanvar 2021-ci il sənədlərində üç dövlət rəhbərinin imzası var.

Rusiyanın üzərinə götürdüyü öhdəliklərdən biri də budur ki, Azərbaycan əraziləri Ermənistana aid silahlı birləşmələrdən təmizlənməlidir. Rusiya son bir ildə bunu etməyib. Əksinə, separatçılara dəstək verilib, əməkdaşlıq edilib, onların təminatı həyata keçirilib. Separatçılar fəaliyyətini davam etdirəcəyi təqdirdə Azərbaycan buna dözməyəcək, lazım gəlsə, ərazilərində anti-terror əməliyyatı keçirəcək. Bu halda Rusiya kimin tərəfində olacaq? Məncə, bu sual maraqlıdır”.

Deputatın sözlərinə görə, bəlkə də görüş zamanı Putin Paşinyana deyib ki, oradakı silahlı dəstələrini çıxart: “Hər halda mən bunun olmasını istərdim. Biz cinyətkarları, terrorçuları və separatçıları ərazimizdən təmizləyəcəyik. Bunu Putin də, Paşinyan da, Makron da, digəri də bilir. Bizi buna məcbur etməməlidirlər.

Cənab prezident müharibə başlayan ana qədər deyirdi ki, ərzilərimizi sülh yolu ilə azad etmək istəyirik, ərazilərimizdən çıxış. Amma çıxmadılar. Ona görə də, Azərbaycan Ordusu ərazi bütövlüyünü bərpa etməyə məcbur oldu. İndi Azərbaycanı məcbur edirlər ki, gücdən istifadə edərək terrorçuları ərazimizdən təmizləyək. Bax, bunun baş verməməsi üçün cənab Putin Paşinyana başqa tapşırıqlar verməlidir”.

Reyting.az




Bölməyə aid digər xəbərlər
{sape_links}{sape_article}