12:10 / 25-06-2022
Sabah yağışlı hava olacaq
Putinin qızının gizli hesabları üzə çıxır
Tarix: 20-05-2022 15:55 | Bölmə: Slayd
Putinin qızının gizli hesabları üzə çıxır

Rusiya prezidenti Vladimir Putinin böyük qızı Mariya Vorontsovanın “Maria V” sosial media hesabının arxasında olduğu və Ukrayna, Qərb, Corc Soros və gey haqları ilə bağlı qəzəbli paylaşımlar etdiyi məlum olub.

Reyting.az
xəbər verir ki, M. Vorontsova ilə bağlı diqqətçəkən iddia Qərbdə ən çox müzakirə olunan mövzulardan birinə çevrilib.

Putin ailəsini və şəxsi həyatını gizli saxladığından Rusiya liderinin qızları haqqında məlumat azdır, lakin Rusiyanın Ukraynaya təcavüzündən sonra onun ailəsi sanki “mikroskop altına” düşüb. Qərb mediası prezident Putinlə yanaşı onun ailəsini də izləyir.

“The Times”ın iddiasına görə, Rusiya liderinin birinci evliliyindən olan böyük qızı, 37 yaşlı Vorontsova sosial şəbəkədə Ukrayna, Qərb, Corc Soros haqqında qəzəbli paylaşımlar edir.

Putinin böyük qızına aid olduğu iddia edilən “Maria V” sosial media hesabı Rusiyanın Ukraynaya qarşı müharibəsini və Putinin qərarlarını dəstəkləyir.

Mariya Vorontsova Putinin keçmiş həyat yoldaşı Lyudmila Aleksandrovna Oçeretnaya ilə iki qızından biridir.

Mariya Faassen kimi də tanınan Putinin böyük qızı pediatrik endokrinoloqdur və 2011-ci ildə Moskva Dövlət Universitetini (MDU) bitirib.

Rusiyada müstəqil media qurumu olan “Respublika”nın baş redaktoru Dmitri Kolezev bəyan edib ki, Putinin qızına aid olduğu güman edilən yazılar Moskva Dövlət Universitetinin tibb fakültəsinin məzunlarına məxsus teleqram kanalında diqqət çəkib.

Sözügedən kanalda ABŞ və Avropanın Rusiyaya qarşı sanksiyalarını tənqid edən Vorontsova “Qərbdə heç kim ölkəmizin firavan olmasını istəmir. Bunun üçün əllərindən gələni etdilər. Bunu davam etdirəcəklər”,- ifadələrini işlədib.

“2008-ci ildə ilk sanksiyalar başladı və mozzarella pendiri satışdan çıxdı. Hamı dəli olurdu. Biz mozzarellasız yaşaya bilərdikmi? Hamı nəfəs ala bilərdimi? Deyəsən, indi bizim öz mozzarellamız da var”,- Putinin qızı paylaşımında qeyd edib.

Putinin qızı qrupun çıxışlarında Ukraynanın işğalını birbaşa təsdiqləməyib, lakin keçmiş sinif yoldaşının Krımın işğalında dair “ilah” ifadəsi işlətməsinə qarşı çıxıb və bunun “xalqın iradəsi” olduğunu deyib.

“Newsweek”-dəki xəbərə görə, Vorontsova Rusiyanın “təcavüzkar deyil, qurban olduğunu və özünü müdafiə etmək məcburiyyətində qldığını” bildirərək, atasını müdafiə edib.

“Hər şeyin günahını və məsuliyyətini bir insanın üzərinə atmaq, bütün inancınızı tək bir adama bağlamaq cəhdi var. Biz 1930-cu illərdə olan almanlara bənzəmirik, daha çox onların sürgün etdiklərinə bənzəyirik”,- Vorontsova Putini dəstəkləyib.

Rusiyada qadağan olunmuş xəbər təşkilatı “Meduza” bildirir ki, iki mənbənin ifadələri və dəlillərə görə, paylaşımları edən Rusiya lideri Putinin qızıdır, lakin bu, hələ ki, 100 faiz təsdiqlənməyib.

Qeyd edək ki, Mariya Vorontsova və onun bacısı Katerina Tixonova Rusiyanın Ukrayna ücumundan sonra Avropa İttifaqının təzyiqlərinə məruz qalırlar.

Qərb mediası iddia edir ki, M. Vorontsova çox böyük tibb mərkəzi tikməyi planlaşdıran şirkətin ortağıdır.

Onu da qeyd edək ki, artıq endokrin sistem üzrə ixtisaslaşan akademik Vorontsova həm də tanınmış iş adamıdır.




Bölməyə aid digər xəbərlər
{sape_links}{sape_article}