12:10 / 25-06-2022
Sabah yağışlı hava olacaq
G7 və NATO sammiti: Rusiyaya təzyiqlər artacaq, Çin hədəfə çevriləcək
Tarix: 23-06-2022 12:23 | Bölmə: Slayd
G7 və NATO sammiti: Rusiyaya təzyiqlər artacaq, Çin hədəfə çevriləcək

Yeddi qabaqcıl ölkədən ibarət olan G7 qrupunun liderləri və NATO ölkələri bir həftə ərzində keçiriləcək sammitlərdə Ukrayna müharibəsinə görə Rusiyaya təzyiqləri artıracaqlar.

Reyting.az
xəbər verir ki, ABŞ prezidenti Co Bayden şənbə günü Almaniyada iyunun 26-28-də keçiriləcək G7 sammitinə yola düşəcək, daha sonra o, 29-30 iyunda Madriddə keçiriləcək NATO sammitində iştirak edəcək.

Bayden G7 sammitində Almaniya kansleri Olaf Şoltsla, NATO sammitində isə İspaniyanın baş naziri Pedro Sançes və Kral Felipe ilə görüşəcək.

NATO sammiti zamanı Bayden və Türkiyə prezident Ərdoğan arasında ikitərəfli görüşün olub-olmayacağı ilə bağlı heç bir açıqlama verilməyib. Bununla belə, mənbə bildirib ki, ABŞ Finlandiya və İsveçin NATO-ya üzv olmasına qarşı çıxan Türkiyənin narahatlığının aradan qaldırılacağına və konsensusun əldə olunacağına əmindir. Amma bununla paralel olaraq Ərdoğan-Bayden görüşü NATO sammitində baş tuta və Bayden Türkiyənin tələbləri çərçivəsində müəyyən təminatlar verə bilər.

Madriddə keçiriləcək sammitdə NATO-nun Şərqi Avropada hərbi mövcudluğunu genişləndirmək planlarını açıqlayacağı, eyni zamanda ABŞ-ın Avropanın təhlükəsizliyini gücləndirmək üçün atacağı addımları təfərrüatlarla izah edəcəyi düşünülür.

Rəsmilər bildiriblər ki, Avstraliya, Yaponiya, Cənubi Koreya və Yeni Zelandiya liderlərinin NATO sammitinə ilk dəfə qatılması Ukrayna müharibəsi səbəbindən Çin məsələsinin Qərb dövlətlərinin gündəmindən çıxmadığını göstərmək məqsədi daşıyır.

Bir səlahiyyətli diqqətə çatdırıb ki, G7 liderlərinin Çinin son illərdə artan “təhlükəli iqtisadi fəaliyyətlərinə” toxunacağı gözlənilir. Hətta Madriddəki sammitdə NATO-nun yeni strategiya qəbul edəcəyi və ilk dəfə Rusiya təhlükəsi ilə yanaşı Çin təhdidinin də müzakirə olunacağı bildirilir.

Hər iki toplantıda əsas hədəfin Rusiya olacağı, Moskvanın planlarını pozmaq üçün Qərb koalisiyasının daha da möhkəmləndirilməsi üçün işlərin görüləcəyi qeyd edilir. Böyük ehtimalla bu tədbirdə Rusiya təmsil olunmayacaq.

Digər tərəfdən, Ukrayna prezidenti Volodimir Zelenskinin hər iki sammitə videokonfrans vasitəsilə qatılacağı və Rusiyaya qarşı müharibə planını izah edərək bunun həyata keçirilməsi üçün lazım olan dəstəyi ifadə edəcəyi gözlənilir. Ehtimal olunur ki, Zelenski bu mötəbər tədbirlər zamanı Qərbdən ağır silahların Ukraynaya daha tez göndərilməsini tələb edəcək.

Reyting.az




Bölməyə aid digər xəbərlər
{sape_links}{sape_article}