Hərbi ekspert: “Rusiyanın nüvə sistemi o qədər köhnədir ki...”
Tarix: 22-09-2022 12:35 | Bölmə: Slayd
Hərbi ekspert: “Rusiyanın nüvə sistemi o qədər köhnədir ki...”

“Nüvə silahından istifadə təhlükəsi daha çox mart və aprel aylarında idi. İstisna etmirəm ki, Qərbin qeyri-rəsmi xəbərdarlığından sonra Rusiyaya cavabın necə olacağını, hansı şəhərlərin vurulacağını və kimlərin məhv ediləcəyini başa saldılar. Bundan sonra nüvə silahından istifadə riski qalsa da, belə bir ehtimal azalıb. Mən bilmirəm buna nə qədər inanmaq olar, amma Qərb, Ukrayna, eləcə də Rusiyadakı müxalif ekspertlərin sözlərinə görə, Rusiyanın nüvə sistemi o qədər köhnədir ki, real istifadə zamanı onlarda ciddi texniki problem də yarana bilər. Üstəlik, bəzi hərbi analitiklər iddia edirlər ki, rus generaliteti bu silahdan istifadədən imtina edəcəklərini bildirirlər.

Nəzərə almaq lazımdır ki, nüvə silahından istifadə üçün bir neçə zabitin razılığı olmalıdır. Yəni qeyd edirlər ki, hansısa mərhələdə onun tətbiqindən imtina olunacaq. Ehtimallara görə, ondan istifadə imkanı azdır”.

Bu fikirləri Reyting.az-a hərbi ekspert Azad İsazadə deyib.

A. İsazadə əlavə edib ki, hazırda Rusiyada səfərbərlik həyata keçirilir və bunu “qismən səfərbərlik” kimi təqdim edirlər: “Əslində bu, ümumi səfərbərlikdir. Sadəcə, onu mərhələlərə bölüblər. Bu isə onu göstərir ki, hələlik Rusiyanın müharibəni bitirmək fikri yoxdur. Hansısa əraziləri əlində saxlamaq üçün ordunun sayını artırmağa çalışır. Çünki Ukrayna ordusu Xerson və Luqansk vilayətlərində ləng olsa da, irəliləyir. Belə davam etsə, onlar daha irəli gedəcəklər”.

Hərbi ekspert diqqətə çatdırıb ki, Rusiyada revanşist qüvvələrin baş qaldırmasını da nəzərdən qaçırmaq olmaz: “Şovinist-revanşist qüvvələr deyirlər ki, Putin zəifdir, zəif addımlar atır. Putin səfərbərlik elan etməklə millətçiləri sakitləşdirmək istəyir. Demokratik müxalifət isə Rusiyada onsuz da zəifdir. Ukrayna müharibəsi başlayandan sonra çoxu Rusiyadan qaçıb və ya həbs edilib. Odur ki, indi əsas təhlükə millətçilərdəndir. Onların arasında zabitlər, hətta generallar da var. Belə təfəkkürlü insanlar Putinin hakimiyyətinə təhlükə yarada bilərlər”.

Reyting.az




Bölməyə aid digər xəbərlər
21-09-2022, 15:10 Putinə təzyiqlər artır

{sape_links}{sape_article}