Hərbi ekspert: “İşgəncə görüntülərinin nazirlərin görüşü ərəfəsindən yayılması təsadüfi deyil”
Tarix: 03-10-2022 17:46 | Bölmə: Slayd
Hərbi ekspert: “İşgəncə görüntülərinin nazirlərin görüşü ərəfəsindən yayılması təsadüfi deyil”

“Ermənistan 30 il ərzində Azərbaycana hücuma keçib, torpaqlarını işğal edib, dağıdıb, yüzlərlə insanı əsir götürüb, müxtəlif işəncələr verib və Xocalı faciəsini törədib. Amma eşitməmişəm ki, müharibə qanunlarını pozduğu üçün Ermənistanda hansısa erməni əsgəri həbs edilsin”.

Bunu Reyting.az-a hərbi ekspert Azad İsazadə Azərbaycan Ordusunun əsgərləri olduğu iddia edilən kadrların yayılmasından danışarkən deyib.

A. İsazadə əlavə edib ki, sosial şəbəkələrdə Ermənistan əsgərlərinin vəhşiliklərindən bəhs edən kadrlar da yayılıb: “Həmin kadrlardan məlum olur ki, erməni hərbçilər Azərbaycan əsgərlərinin meyitləri üzərində təhqiramiz hərəkətlər edir. Yəni müharibə ilə bağlı kadrlar çoxdur. Sözsüz ki, xeyrimizə olanlarla yanaşı əleyhimizə işləyənləri də var”.

A. İsazadənin sözlərinə görə, reallıq budur ki, ABŞ başda olmaqla, baş verən bütün müharibələrdə hərbi və müharibə qanunlarını həyata keçirmək mümkün olmayıb: “Amma söhbət ondan gedə bilər ki, dövlət bu kimi hallara qarşı mübarizə aparır, ya yox. Əlbəttə, araşdırma aparılmalı, təqsirkar varsa, cəzalandırılmalıdır. Xatırladım ki, Vyetnam, iki İraq müharibəsi, eləcə də Rusiyanın Əfqanıstan və Çeçenistanda apardığı savaş zamanı da müharibə qanunları pozulub. Hətta fransızların Şimali Afrikada apardığı əməliyyatlarda da müharibə qanunlarına riayət edilməyib. Sadəcə, bəzi yerlərdə bu qanun pozuntuları kütləvi, bəzi yerlərdə isə epizodik olub. Sözsüz ki, Azərbaycan nəyin necə baş verdiyini araşdıracaq”.

Hərbi ekspert əlavə edib ki, ilk növbədə həmin videogörüntülər ekspertizadan keçirilməli, bunun montaj olub-olmadığı aydınlaşdırılmalıdır:

“İkincisi, kadrlar ortaya çıxmazdan əvvəl məlum idi ki, Azərbaycan və Ermənistan xarici işlər nazirləri görüşəcək. Ona görə tarix məsələsi də dəqiqləşdirilməlidir. Məsələn, hadisə 10 gün əvvəl olubsa, niyə bunu indi yayıblar? Bu baxımdan kadrların niyə yayılmasının cavabı da tapılmalıdır. Sözsüz ki, görüntülərin Azərbaycan və erməni nazirlərinin görüşü ərəfəsində yayılması təsadüfi deyil”.

Reyting.az




Bölməyə aid digər xəbərlər
{sape_links}{sape_article}