ADP sədri: “Azərbaycan vətəndaşlığını qəbul etməyən ermənilər ölkədən çıxarılmalıdır”
Tarix: 02-06-2023 13:15 | Bölmə: Slayd
ADP sədri: “Azərbaycan vətəndaşlığını qəbul etməyən ermənilər ölkədən çıxarılmalıdır”

“Mən, Brüssel, Moskva, Kişinyov görüşlərindən heç bir nəticə gözləmirdim. Bundan sonrakı görüşlərdən də nəticə gözləmirəm. Çünki dünyada nə geopolitikada, nə də hərbi teatrda ciddi dəyişikliklər baş verməyib. Belə dəyişikliklər, tarazlaşma yoxdursa, deməli, problermlərin həllini gözləmək də real deyil”.

Bunu Reyting.az-a Azərbaycan Demokrat Partiyasının (ADP) sədri Sərdar Cəlaloğlu dünən Moldovada reallaşan beştərəfli görüşdən danışarkən deyib.

Partiya sədri bildirib ki, əvvəl ATƏT-in Minsk qrupu formatını yaradaraq Qarabağ probleminin həllinə imkan verməyənlər, indi də digər formatlar düşünürlər: “Məqsəd Qarabağ problemini indiki vəziyyətdə saxlamaq, dondurmaqdır. Normalda dünya, Avropa istəsə problem qısa zamanda həllini tapar. Amma istəmirlər. Niyə?

Əvvəla, Azərbaycan güzəştə getmir.

İkincisi, Qarabağ məsələsi həllini tapsa Rusiya, Fransa və ABŞ-a ehtiyac qalmayacaq”.

S. Cəlaloğlunun iddiasına görə, Paris, Moskva və Vaşinqton Azərbaycan-Ermənistan probleminin həllində maraqlı deyillər. Çünki öz aralarında da ciddi problemlər var, nələrisə bölüşə bilmirlər.

Cəlaloğlunun fikrincə, problemdən çıxış yolu Azərbaycanın addım-addın Qarabağda suverenliyini yaymasıdır. Partiya sədri hesab edir ki, Azərbaycan qardaş Türkiyə ilə məsələhətləşməli və addımlar atmalıdır:

“Azərbaycan prezidentinin Laçında verdiyi bəyanat çox təqdirəlayiqdir. Bu bəyanatın arxasınca vacib addımlar atılmalıdır. Məsələn, bir-bir erməni kəndlərinə daxil olub pasportlaşma işlərini həyata keçirməliyik. Azərbaycan vətəndaşı olmaq istəməyənlər deportasiya olunmalıdır”.

S. Cəlaloğlu düşünür ki, Qarabağda yaşayan ermənilərin hüquqlarına qarşı Qərbi Azərbaycandan qovulan azərbaycanlıların hüquqları qoyulmalıdır:

“Biz deyirik ki, ermənilər vətəndaşlığımızı qəbul etməlidirlər. Bəs etməsələr? Bu halda onlar deportasiya edilməlidir. Bizim azərbaycanlılar da zamanında Qərbi Azərbaycandan deportasiya olunublar”.

Y. QACAR
Reyting.az




Bölməyə aid digər xəbərlər
{sape_links}{sape_article}