09:15 / 21-06-2024
Blinken Əliyevə zəng edib
07:44 / 21-06-2024
KTMT Almatıda toplanır
Xaçmazda körpü dağılıb, rayonla əlaqə kəsilib - Yenilənib
Tarix: 15-09-2023 10:29 | Bölmə: Xəbərlər
Xaçmazda körpü dağılıb, rayonla əlaqə kəsilib

Xaçmaz şəhərindən keçən Qudyalçay çayının üzərindəki körpü tamamilə dağılıb.

Məlumata görə, ilkin ehtimala görə, hadisə nəticəsində "VAZ-21011" markalı minik avtomobili çaya düşüb.

Hadisə yerinə cəlb olunan FHN-nin xilasediciləri sel sularınin içərisindən xəsarət alan 2 nəfəri xilas ediblər.

Qeyd edək ki, Xudat şəhər və ətraf kəndlərin Xaçmaz şəhəri və Bakı istiqaməti ilə nəqliyyat əlaqəsi tam kəsilib(Report).

***

İntensiv yağıntılar nəticəsində yaranmış güclü sel suları respublika əhəmiyyətli Gəndob-Xaçmaz-Yalama-Rusiya Federasiyası ilə dövlət sərhədi avtomobil yolunun 27-ci km-də, Qüdyalçay üzərində yerləşən və 1974-cü ildə inşa edilmiş avtomobil körpüsündə çökməyə səbəb olub.

Reyting.az
Azərbaycan Avtomobil Yolları Dövlət Agentliyinə istinadla xəbər verir ki, hadisədən dərhal sonra əraziyə Agentliyin xüsusi texnikaları və canlı qüvvəsi cəlb olunub: "Ərazidə əlavə təhlükəsizlik tədbirləri görülüb. Təbii fəlakət nəticəsində dəymiş ziyanın aradan qaldırılması istiqamətində işlər aparılır. Sürücülər alternativ olaraq Xaçmaz rayonu, Qımılqışlaq kəndi ərazisindən istifadə edə bilərlər".

***

Gəndob-Xaçmaz-Yalama yolunun 26-cı km-də körpünün uçması zamanı avtomobilin çaya düşməsi nəticəsində xəsarət alanların kimliyi məlum olub.

Məlumata görə, bunlar Xaçmaz rayon sakini, 1966-cı il təvəllüdlü Heybətov Əlisafa Abas oğlu, Bakı şəhər sakini, 1984-cü il təvəllüdlü Qarayev Efsun Əsgər oğlu və Xaçmaz rayon sakini, 1999-cu il təvəllüdlü Səfərəliyev Elvin Tofiq oğludır.

Yaralılar Xaçmaz Rayon Mərkəzi Xəstəxanasına yerləşdiriblər.







Bölməyə aid digər xəbərlər
{sape_links}{sape_article}